ដ្បិតថា ស្ថានការណ៍នៅតាមព្រំដែនមានសភាពស្ងប់ស្ងាត់ពីគ្រាប់កាំភ្លើងរវាងប្រទេស កម្ពុជា និង ប្រទេសថៃ ក្តី ប៉ុន្តែ សិល្បករ សិល្បការិនី កម្ពុជាជាច្រើនរូប នៅតែមូលមីកៀរគរថវិកា និងអំណោយផ្សេងៗពីសប្បុរសជន ក្នុងការជួយដល់ប្រជាពលរដ្ឋខ្មែរដែលកំពុងភៀសសឹកពីសង្គ្រាមនៅឡើយទេ។
ក្នុងនោះ តារាចម្រៀងជួរមុខរបស់កម្ពុជា កញ្ញា សុខ ពិសី ក៏បានចូលរួមចំណែកជាផ្នែកមួយនៃការរំលែកទុក្ខលំបាកដល់បងប្អូនខ្មែរដែលជាជនភៀសសឹកផងដែរ ដោយបានចូលរួមបរិច្ចាគជាថវិកាចំនួន ៥ ពាន់ដុល្លារ តាមរយៈអ្នកនាង ធី សុវណ្ណថា សម្រាប់ទិញស្បៀង និងសម្ភារប្រើប្រាស់ផ្សេងៗ កាលពីថ្ងៃទី ២៩ ខែកក្កដា ឆ្នាំ ២០២៥។
នៅលើបណ្តាញសង្គមរបស់តារាចម្រៀងស្រីរូបនេះ បានបង្ហោះសារនៅលើទំព័រហ្វេសប៊ុកផ្លូវការរបស់ខ្លួនយ៉ាងដូច្នេះថា៖ “បងប្អូនជនភៀសសឹកត្រូវការស្បៀងបន្ទាន់ ក្នុងនាមនាងខ្ញុំ សុខ ពិសី ជាកូនខ្មែរមួយរូប សូមចូលរួមថវិកាផ្ទាល់ខ្លួនតាមលទ្ធភាព ចំនួន ៥ ពាន់ដុល្លារ តាមរយៈ ប្អូនស្រី ធី សុវណ្ណថា។
ក្នុងនោះ កញ្ញា សុខ ពិសី ក៏បានអំពាវនាវឱ្យប្រជាពលរដ្ឋខ្មែរដែលមានចិត្តសប្បុរស អាចធ្វើការចូលរួមតាមសទ្ធាជ្រះថ្លារៀងៗខ្លួន តាមរយៈអ្នកនាង ធី សុវណ្ណថា ផងដែរ៕
