បន្ទាយមានជ័យ៖ 

ទឹកជំនន់ហក់ឡើងខ្លាំង១យប់ លិចសំណង់បង្ហៀរទឹកព្រែកចំណោម បណ្តាលឲ្យប្រជាពលរដ្ឋ ជួបការលំបាកឆ្លងកាត់នៅថ្ងៃទី១៥ ខែកក្កដា ឆ្នាំ២០២៥ ស្ថិតភូមិ/ឃុំចំណោម ស្រុកមង្គលបូរី។

ប្រជាពលរដ្ឋ បានប្រាប់ថា៖ទឹកជំនន់បានហក់ឡើងខ្លាំងរយៈពេល១យប់ បណ្តាលឲ្យលិចហូរកាត់ពីលើសំណង់បង្ហៀរទឹកព្រែកចំណោម បណ្តាលឲ្យច្រុះដាច់ បង្កការលំបាកដល់ប្រជាពលរដ្ឋធ្វើដំណើរឆ្លងកាត់ពីភូមិ ចំណោម ទៅភូមិ សាយសាម៉ន ឃុំចំណោម ស្រុកមង្គលបូរី ព្រំប្រទល់ស្រុកម៉ាឡៃ ដោយលិចហូរកាត់សំណង់ប្រមាណ២០ទៅ៣០ម៉ែត្រ។

ប្រជាពលរដ្ឋ បានបញ្ជាក់ថា៖ នៅប្រឡាយព្រែកឃុំចំណោម និងប្រឡាយព្រែកឃុំសឿ មានទឹកប្រៀបប្រឡាយ បើនៅបន្តហក់ឡើងខ្លាំងហៀរប្រឡាយ អាចប្រឈមប៉ះពាល់ដល់ស្រូវ មានរាប់ពាន់ហិកតាដែលត្រូវប្រមូលផលស្រូវជាបណ្តើរនៅរយៈពេលប្រមាណកន្លះ ខែខាងមុខទៀត៕