លោកប្រធានាធិបតីសហរដ្ឋអាមេរិក ដូណាល់ ត្រាំ បានប្រកាសថា សហរដ្ឋអាមេរិក នឹងផ្គត់ផ្គង់សព្វាវុធដល់ប្រទេសអ៊ុយក្រែន តាមរយៈអង្គការណាតូ និងបានគំរាមដាក់ "ពន្ធ" យ៉ាងធ្ងន់លើប្រទេសរុស្ស៊ី ប្រសិនបើមិនមានកិច្ចព្រមព្រៀងបទឈប់បាញ់ណាមួយ ត្រូវបានសម្រេចក្នុងរយៈពេល 50 ថ្ងៃនោះទេ។ អំឡុងពេលនៃកិច្ចប្រជុំជាមួយអគ្គលេខាធិការអង្គការណាតូ លោក ប្រធានាធិបតី ត្រាំ បានបញ្ជាក់ពីការប្តេជ្ញាចិត្តរបស់សហរដ្ឋអាមេរិក ក្នុងការផលិត និងលក់អាវុធទៅឲ្យអ៊ុយក្រែន ហើយយើងនឹងដាក់ពន្ធក្នុងអត្រាមួយយ៉ាងធ្ងន់លើរុស្ស៊ី ប្រសិនបើមិនមានកិច្ចព្រមព្រៀងណាមួយក្នុងរយៈពេល 50 ថ្ងៃ។ ជាការឆ្លើយតប អនុប្រធានក្រុមប្រឹក្សាសន្តិសុខប្រទេសរុស្ស៊ី លោក ឌីមីទ្រី មេដវេដេវ (Dmitry Medvedev) បានច្រានចោលថ្ងៃ "ឱសានវាទ" ដែលកំណត់ដោយលោកប្រធានាធិបតី ត្រាំ នេះ នឹងថា រុស្ស៊ី "មិនខ្វល់" នឹងរឿងនេះឡើយ។