បន្ទាយមានជ័យ៖
ប្រជាពលរដ្ឋភៀសសឹកជិត២០០គ្រួសារស្នាក់កន្លែងសុវត្ថិភាពមួយកន្លែងត្រូវបានទទួលអំណោយពីចលនាយុវជនកម្ពុជាក្រុម១៥៧នៅថ្ងៃទី២៩ ខែកក្តដា ឆ្នាំ២០២៥ស្ថិតភូមិវល្លិ៍យាវ ឃុំគោកមន ស្រុកបន្ទាយអំពិល។
អំណោយដែលនាំយកមកចែកជូនដល់ប្រជាពលរដ្ឋភៀសសឹកប្រមាណជិត២០០គ្រួសារជាអំណោយរបស់ក្រុមចលនាយុវជនកម្ពុជា(ក្រុម១៥៧)ក្រុងប៉ោយប៉ែតខេត្តបន្ទាយមានជ័យ តាមការណែនាំពីលោក ចៅ ជីអាន ប្រធានចនាយុវជនកម្ពុជាក្រុម១៥៧ខេត្តបន្ទាយមានជ័យ ដើម្បីជួយដល់ប្រជាពលរដ្ឋដែលភៀសសឹងចេញពីតំបន់ជើងភ្នំដងរ៉ែកក្នុងភូមិសាស្ត្រច្រកជប់គគីរ ប្រាសាទតាមាន់ធំ និងប្រាសាទតាក្របី ដែលជាតំបន់សមរភូមិក្តៅឈ្លានពានដោយប្រទេសថៃ។
អំណោយដែលនាំយកមកចែកជូនប្រជាពលរដ្ឋដែលភៀសសឹកមានដូចអង្ករ ទឹកត្រី ទឹកស៊ីអ៊ីវ មី ទឹកសុទ្ធ និងនំប៉័ងប៉ាតេនិងសាច់ មកចែកជូនប្រជាពលរដ្ឋកន្លែងសុវត្ថិភាពដើម្បីជួយសម្រួលដល់ប្រជាពលរដ្ឋដែលកំពុងជម្លៀសរឺភៀសសឹកពីតំបន់សង្ក្រាមព្រំដែនក្នុងភូមិសាស្ត្រស្រុកបន្ទាយអំពិល។
ចលនាយុវជនកម្ពុជាក្រុម១៥៧ក្រុងប៉ោយប៉ែត ដែលបាននាំយកអំណោយចែកជូនដល់ប្រជាពលរដ្ឋដែលបានជម្លៀសចេញពីតំបន់សមភូមិមុខ ក្រោយទាហានសៀមមានបំណងឈ្លានពានទឹកដីប្រាសាទកម្ពុជាដោយមានការផ្ទុះអាវុធ ទាហានកម្ពុជាបានបាញ់តបតការពារអធិបតេយ្យភាពនិងបូរណៈភាពទឹកដីមិនអោយប្រទេសជិតខាងឈ្លានពានបានឡើយ៕
