(ចិន)៖ កីឡាករ កីឡាការិនី គ្រុឌគុនខ្មែរ និងក្រុមការងារ ព្រមទាំងកីឡាករ កីឡាការិនីនៃប្រទេសចិន បានចូលរួមសន្និសីទព័ត៌មានស្តីពីការប្រកួតសង្វៀនគ្រុឌ គុនខ្មែរ-ចិន ក្នុងនោះមានក៏មានការចូលរួមពីឯកឧត្តម ខូវ ឆាយ ជាប្រធានសហព័ន្ធគុនខ្មែរ និង ជាអគ្គលេខាធិការស្តីទីសហព័ន្ធគុនខ្មែរអន្តរជាតិ និងក្លិបប្រដាល់គុនខ្មែរចិន។
នៅក្នុងសន្និសីទសារព័ត៌មាន ភាគីទាំងសងខាងបានចូលរួមសំណេះសំណាល សួរសុខទុក្ខគ្នា បង្ហាញពីក្តីរីករាយ ចំពោះកីឡាករ កីឡាការិនីគុនខ្មែរ និងចិន មុនថ្ងៃប្រកួតចូលមកដល់ ដោយចង់បង្ហាញថា កីឡាទោះចាញ់ឬឈ្នះ គឺស្ថិតនៅក្នុងន័យមិត្តភាពជានិច្ច។
គួរឱ្យដឹងថា នៅក្នុងការប្រកួតព្រឹត្តិការណ៍គ្រុឌ គុនខ្មែរ-ចិន នេះ មានកីឡាករ កីឡាការិនីឆ្នើមៗរបស់កម្ពុជាចំនួន ៧ រូបចូលរួមដូចជា ឈុត សេរីវ៉ាន់ថង គឹម វាសនា ពុធ សំបូរ កាន់ ម៉េងហុង រិទ្ធ អារុន ឃីម ឌីមុី និងធន់ ស្រីពេញ។
សម្រាប់អ្នកគាំទ្រ គ្រុឌ គុនខ្មែរ នឹងបានទស្សនាព្រឹត្តិការណ៍ដ៏អស្ចារ្យនេះ នៅថ្ងៃទី១៩ ខែកក្កដា ឆ្នាំ២០២៥ វេលាម៉ោង៧យប់ (ម៉ោងនៅកម្ពុជា) ពីខេត្តស៊ីឈ័ន ប្រទេសចិន ។
