ភ្នំពេញ ៖ វិស័យគុនខ្មែរនៅកម្ពុជា បាននិងកំពុងប្រែមុខមាត់ថ្មីជាបន្តបន្ទាប់ ក្រោមការដឹកនាំរបស់ប្រធានសហព័ន្ធវ័យក្មេង ឯកឧត្តម ខូវ ឆាយ ដែលឯកឧត្តមបានឡើងកាន់តំណែងជាប្រធានសហព័ន្ធ កាលពីថ្ងៃទី២៩ ខែមិនា ឆ្នាំ២០២៤ ក្នុងអាណត្តិទីចាស់៧ ឆ្នាំ២០២១-២០២៥ ។

   ក្រោយបានកាន់តំណែងជាប្រធានសហ័ន្ធ ឯកឧត្តម ខូវ ឆាយ បានរៀបចំកំណែទម្រង់ប្រព័ន្ធដឹកនាំ បង្កើនសង្វ្រៀនប្រកួត បង្កើតនិងអភិវឌ្ឈន៍ថ្នាលគុនខ្មែរ ស្វែងរកដៃគូរសហការឧបត្ថម្ភគាំទ្រ បង្កើនការចេញទៅប្រកួតនៅក្រៅប្រទេសទាំងកម្រិតតំបន់និងកម្រិតពិភាពលោក ជាដើម។ បើនិយាយពីកម្រិតវប្បធម៌ ប្រធានសហព័ន្ធវ័យក្មេង ឯកឧត្តម ខូវ ឆាយ គឺជាថ្នាក់ដឹកនាំមួយរូបដែលមានចំណេះ ជំនាញពិតប្រាដក ទាំងភាសាបរទេស ទាំងការដឹកនាំ ការទំនាក់ទំនង ហើយអ្វីដែលពិសេសនោះ គឺការយកចិត្តទុកដាក់មើលថែរមន្ត្រីក្រោមឳវាទ ថែមទៀតផង។



យ៉ាងណាមិញចំពោះ បេសកកម្មនិងកិច្ចការងារក្នុងប្រទេស ឯកឧត្តមប្រធាន បានអនុវត្តន៍ដូចជា៖
• កាន់តួនាទីជាប្រធានសហព័ន្ធគុនខ្មែរ នៅពេលកីឡានេះកំពុងមានប្រជាប្រិយភាពស្រាប់ហើយ។ ឯកឧត្តមបានបន្តនិរន្តភាពព្រឹត្តិការណ៍ក្នុងស្រុក និងដុសខាតសមត្ថភាពកីឡាករ កីឡាការិនី និងមន្ត្រីឲ្យកាន់តែល្អ។
• ឯកឧត្តមចេញមុខដោយស្រាយ បកស្រាយ បញ្ជាក់ពន្យល់ និងសម្អាតរាល់ភាពអសកម្មរបស់មន្ត្រីមាន មន្ត្រីបច្ចេកទេស ចៅក្រម អាជ្ញាកណ្តាល គោលការណ៍ ច្បាប់ទម្លាប់ និងបទបញ្ញត្តិផ្សេងៗ។
• ឯកឧត្តម បានផ្តល់ឲ្យក្រុមហ៊ុនឯកជនកាន់តែមានទំនុកចិត្តក្នុងការចូលរួមឧបត្ថម្ភគាំទ្រ និងអភិវឌ្ឍកីឡាគុនខ្មែរឆ្ពោះទៅមុខជាបន្តបន្ទាប់។
• កីឡាករ កីឡាការិនី និងមន្ត្រីកាន់តែតាមតម្លៃ តាមរយៈតម្លៃខ្លួន ប្រាក់រង្វាន់ និងការឧបត្ថម្ភគាំទ្រផ្សេង។
• ក្រៅពីសង្វៀនប្រដាល់ធំៗជាច្រើន គេសង្កេតឃើញមានកម្មវិធីប្រកួតជាច្រើនទៀតដែលផ្តល់ឱកាសឲ្យកីឡាករ កីឡាការិនីវ័យក្មេងបានឡើងប្រកួតទាំងនៅរាជធានី និងតាមបណ្តាខេត្ត។ ទាំងនេះ រាប់ទាំងកីឡាករកម្រិតអាជីព ពាក់កណ្តាលអាជីព និងយុវជនទទួលបានឱកាសបង្ហាញសមត្ថភាព។
• អាចថាលើកទី១ នៅក្នុងប្រវត្តិថ្នាក់ដឹកនាំគុនខ្មែរដែលមានកីឡាករក្មេងៗបានចេញទៅប្រកួតនៅក្រៅប្រទេស។ ការចេញទៅក្រៅប្រទេសមិនមែនដោយសារតែសមត្ថភាពខ្លាំងនោះទេ ប៉ុន្តែអាស្រ័យការទំនាក់ទំនង និងចាប់ដៃគូនៅក្រៅប្រទេស។
• បច្ចុប្បន្ននេះ ក្លិបប្រដាល់ជាច្រើនបានប្រែក្លាយពីទីកន្លែងហ្វឹកហាត់បែបប្រពៃណី ទៅជាកន្លែងហ្វឹកហាត់ទំនើប និងស្តង់ដា ដោយមានទីកន្លែង អគារ សម្ភារៈ និងគោលការណ៍ច្បាស់លាស់។ មិនត្រឹមតែប៉ុណ្ណោះ សហព័ន្ធបានកំពុងជួយដល់ក្លិបនៅតាមបណ្តាខេត្តដែលគ្មានលទ្ធភាពទិញសម្ភារ ឲ្យមានសម្ភារ និងកន្លែងហ្វឹកហាត់ត្រឹមត្រូវ។ ទាំងនេះជាមូលដ្ឋានគ្រឹះនៃការធានាក្នុងការអភិវឌ្ឍធន់ធានមនុស្ស។


ចំពោះ បេសកកម្មនិងកិច្ចការងារក្រៅប្រទេស ឯកឧត្តម ប្រធាន បានអនុវត្តន៍ដូចជា៖
• ចាប់ពីឆ្នាំ ២០២៤ មកអាចចាត់ទុកជាពេលវេលាដែលគុនខ្មែរពង្រីកខ្លួនលើឆាកអន្តរជាតិ។ បន្ទាប់ពីគុនខ្មែរចូលក្នុងកីឡាស៊ីហ្គេម កាលពីឆ្នាំ២០២៣ កីឡាប្រដាល់គុនខ្មែរបានបោះជំហានទៅកាន់ប្រទេសជាច្រើននៅលើពិភពលោក។ កម្រមានកីឡាណាដែលប្រទេសផ្សេងយកទៅអភិវឌ្ឍណាស់ ប្រសិនបើម្ចាស់ក្បាច់គុនមិនខ្វះខ្នែង ខិតខំប្រឹងប្រែង និងចំណាយទាំងកម្លាំងធន់ធានដើម្បីអភិវឌ្ឍ។
• វាគ្មានអ្វីចម្លែកទេនៅពេលកីឡាករ កីឡាការិនីគុនខ្មែរចេញទៅប្រកួតនៅក្រៅប្រទេស ប៉ុន្តែអ្វីដែលចម្លែកគឺ ខ្មែរមានលទ្ធភាពទៅរៀបចំការប្រកួតនៅក្រៅប្រទេស។ នោះហើយជាអ្វីដែលយើងជាខ្មែរចង់ឲ្យពិភពលោកស្គាល់គុនខ្មែរ។ គុនខ្មែរបោះជំហានទៅប្រទេសជប៉ុន អូស្ត្រាលី កាណាដា អាមេរិក បារាំង ក្រិក ព័រទុយហ្គាល់ និងប្រទេសផ្សេងទៀត តាមរយៈការចាប់ដៃគូនានា។
• រឹតតែអស្ចារ្យទៀតនោះ ក្លិបប្រដាល់គុនខ្មែរត្រូវបានបង្កើននៅសហរដ្ឋអាមេរិក និងប្រទេសចិន។ តាមដឹងនៅចិននឹងមានក្លិបប្រដាល់គុនខ្មែរជាច្រើនទៀត។ ទាំងនេះ វាមិនដែលកើតឡើងដោយឯកឯងនោះទេ ប៉ុន្តែជាសកម្មភាពដែលថ្នាក់ដឹកនាំសហព័ន្ធកំពុងធ្វើ។ មិនយូរមិនឆាប់ គុនខ្មែរនឹងកាន់តែសំបូរធន់ធានទាំងកីឡាករ កីឡាការិនី និងមន្ត្រីនៅតាមបណ្តាប្រទេសផ្សេងៗ។
• សកម្មភាពថ្នាក់ក្រោមជាតិ ថ្នាក់ជាតិ និងក្រៅប្រទេសទាំងនេះ ជាការដឹកនាំបេសកកម្មនាំគុនខ្មែរឆ្ពោះទៅកាន់ព្រឹត្តិការណ៍កីឡាទ្វីបអាស៊ី និងកីឡាអូឡាំពិក ដែលថ្នាក់ដឹកនាំប្រទេសជាតិបានកំណត់ ចាប់ពីឆ្នាំ ២០៣២ទៅ។
កំហុសកើតមានពីអ្នកធ្វើ
• នៅលើលោកនេះ គ្មានបុគ្គលណាម្នាក់ធ្វើអ្វីមួយត្រូវត្រឹមត្រូវល្អឥតខ្ចោះនោះទេ ធ្វើ១០រឿង ល្អបាន៨រឿង បន្តធ្វើទៀតទៅ។ រឿងល្អបន្តធ្វើ រឿងមិនល្អត្រូវកែប្រែ។ សូម្បីតែ ព្រះពុទ្ធគង់មានផ្ចាញ់ ព្រះចន្ទ ចាំងពន្លឺលោកចោរមិនពេញចិត្ត ចុះទម្រាំដឹកនាំធ្វើសកម្មភាពការងាររាប់ជំពូក រឿងមិនខ្វះចន្លោះ។ អ្នកធ្វើតែងមានកំហុស អ្វីដែលមិនខុសគឺអ្នកមិនធ្វើ។