បន្ទាយមានជ័យ៖
ប្រជាពលរដ្ឋប្រទះឃើញក្រពើ១ក្បាលប្រវែងជាង២ម៉ែត្រហែលតាមអូរព្រំដែន ក្នុងភូមិសាស្ត្រក្រុងប៉ោយប៉ែតនៅថ្ងៃទី២២ ខែកក្តដា ឆ្នាំ២០២៥ស្ថិតភូមិក្បាលកោះ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
លោក ញឹម ផឿង អភិបាលរងក្រុងប៉ោយប៉ែតបានប្រាប់ថា៖ ប្រជាពលរដ្ឋបានប្រទះឃើញ សត្វក្រពើ១ក្បាលប្រវែងជាង២ម៉ែត្រដែលហែលទឹកអូរព្រំដែននៅច្រាំងខាងទឹកដីថៃដែលឈមនិងភូមិសាស្ត្រភូមិក្បាលកោះ ហើយបានរាយការណ៍ជូនអាជ្ញាធរសង្កាត់ និងក្រុង ប៉ោយប៉ែតបានដឹងចុះទៅពិនិត្យមើល។
លោកបានបញ្ជាក់ថា៖តាមសំដីប្រជាពលរដ្ឋថានេះមិនមែនលើកទី១ទេដែលប្រទះឃើញសត្វក្រពើដែលហែរទឹកអូរព្រំដែនបានឃើញញឹកញាប់ណាស់ពេលខ្លះឃើញហែលនៅច្រាំងខាងទឹកដីកម្ពុជានិងពេលខ្លះប្រទះឃើញហេតុខាងទឹកដីថៃហើយក្រពើប្រទះឃើញហែល ទឹកភាគច្រើនជាក្រពើធំពេញវ័យមានប្រវែងជាង២ម៉ែត្រដែលហែលរកចំណីតាមច្រាំងមាត់អូរ។
លោក ញឹម ផឿង បានបញ្ជាក់ប្រាប់ថា៖ចំណុចអូរព្រំដែនដែលប្រជាពលរដ្ឋប្រទះឃើញ សត្វក្រពើ ហែលទឹកមានជម្រៅទឹកជិត២ម៉ែត្រនៅពាក់កណ្តាលអូរហើយក្រពើដែល ប្រទះឃើញ អាចជាក្រពើដែលរួចចេញពីខាងទឹកដីថៃហែលតាមអូរសុំអោយបងប្អូន ប្រជាពលរដ្ឋ ដែលរស់នៅក្បែរអូរព្រំដែនមានការប្រុងប្រយ័ត្នកុំចុះទឹកអូរអាចប្រឈម គ្រោះថ្នាក់គ្រប់ពេល៕
