លោកប្រធានាធិបតីសហរដ្ឋអាមេរិក លោក ដូណាល់ ត្រាំ បានថ្លែងកាលពីថ្ងៃអង្គារ ទី8 ខែកក្កដាថា លោកមិនសប្បាយចិត្តនឹងលោកប្រធានាធិបតីប្រទេសរុស្ស៊ី វ្ល៉ាឌីមៀ ពូទីន ជុំវិញការកើនឡើងនៃចំនួនអ្នកស្លាប់នៅក្នុងប្រទេសអ៊ុយក្រែន នឹងកំពុងពិចារណាដាក់ទណ្ឌកម្មបន្ថែមលើទីក្រុងមូស្គូ។ គួរបញ្ជាក់ផងដែរថា កាលពីថ្ងៃសុក្រសប្តាហ៍មុន លោកប្រធានាធិបតី ត្រាំ បានបញ្ជាក់ថា ការជជែកតាមទូរសព្ទជាមួយលោកប្រធានាធិបតីប្រទេសអ៊ុយក្រែន ហ្សេលេនស្គី ដំណើរការទៅបានយ៉ាងល្អ តែលោកបានបង្ហាញពីការខកចិត្ត បន្ទាប់ពីការជជែកតាមទូរសព្ទជាមួយលោកប្រធានាធិបតីរុស្ស៊ី ពូទីន ជុំវិញអ្វីដែលលោកបាននិយាយថា ជាការខ្វះឆន្ទៈរបស់ទីក្រុងមូស្គូ ដើម្បីធ្វើការឆ្ពោះទៅរកបទឈប់បាញ់នៅក្នុងសង្រ្គាមឈ្លានពានលើប្រទេសអ៊ុយក្រែន។
