ទឹកជំនន់ដែលបង្កឡើងដោយព្យុះទីហ្វុង វីផា បានវាយប្រហារខេត្ត ណាន ភាគខាងជើងប្រទេសថៃកាលពីថ្ងៃពុធ ទី23 ខែកក្កដា។ ភ្លៀងធ្លាក់ខ្លាំងដែលបង្កឡើងដោយព្យុះនេះ បានបោកបក់លើតំបន់ជាច្រើននៅភាគខាងជើងប្រទេសថៃ រួមទាំងខេត្ត ណាន ខណៈដែលផ្លូវជាច្រើនខ្សែត្រូវបានជន់លិច និងការដឹកជញ្ជូននានាក្នុងតំបន់ រងផលប៉ះពាល់។ អាជ្ញាធរក្រុង ណាន បានចេញសេចក្តីថ្លែងការណ៍ជាសាធារណៈដោយព្រមានអ្នកស្រុកឲ្យមានការប្រុងប្រយ័ត្នខ្ពស់ និងត្រៀមខ្លួនសម្រាប់ស្ថានភាពគ្រោះមហន្តរាយ ដែលអាចកើតឡើងដោយសារឥទ្ធិពលនៃព្យុះទីហ្វុង វីផា នេះ។
