បាត់ដំបង៖
កម្លាំងកងរាជអាវុធហត្ថស្រុកបវេល បានចុះប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀនមួយករណីក្នុងបទល្មើសជាក់ស្តែង។
កិច្ចប្រតិបត្តិការខាងលើនេះ ធ្វើឡើងនៅវេលាម៉ោង ១២និង៣០នាទី ថ្ងៃទី២៤ ខែកក្កដា ឆ្នាំ២០២៥ នៅត្រង់ចំណុចភូមិបឹងអារក្ស ឃុំអំពិលប្រាំដើម ស្រុកបវេលខេត្តបាត់ដំបង ដោយបានឃាត់ខ្លួនជនសង្ស័យចំនួន០២នាក់ ដែលម្នាក់ឈ្មោះ សេង សុខា ភេទស្រី អាយុ ៤២ឆ្នាំ មុខរបរមេផ្ទះ មានទីលំនៅភូមិបឹងអារក្ស ឃុំអំពិលប្រាំដើម ស្រុកបវេលខេត្តបាត់ដំបង និងម្នាក់ទៀតឈ្មោះ រូ រី ភេទប្រុស អាយុ ៣៩ឆ្នាំ មុខរបរមិនពិតប្រាកដ មានទីលំនៅភូមិបឹងឬស្សី ឃុំអំពិលប្រាំដើម ស្រុកបវេល ខេត្តបាត់ដំបង ។
វត្ថុតាងដកហូតរួមមាន, គ្រឿងញៀនប្រភេទម្សៅក្រាមពណ៌សថ្លាម៉ាទឹកកក (ICE) ចំនួន ០៨កញ្ចប់ ទម្ងន់ ៣.៣២ក្រាម (ថ្លឹងទាំងសំបក) ,ម៉ូតូ០១គ្រឿង ,លោហធាតុពណ៌លឿង (ចិញ្ចៀន) ចំនួន ០២វង់ ,លោហធាតុពណ៌លឿង (ក្រវិល) ចំនួន ០១គូរ ,ប្រាក់រៀល ចំនួន ២.៥០២.៥០០ រៀល (ពីរលានហាសិបម៉ឺនពីរពាន់ប្រាំរយរៀល) ,ប្រាក់ថៃ ចំនួន ១០០០បាត (មួយពាន់បាត)។
បច្ចុប្បន្នជនសង្ស័យ រួមនឹងវត្ថុតាងត្រូវបានបញ្ជូនទៅការិយាល័យប្រឆាំងគ្រឿងញៀនអាវុធហត្ថខេត្តបាត់ដំបង ដើម្បីបន្តតាមនីតិវិធី៕
