បាត់ដំបង៖
រថយន្ត FORD RANGER មួយគ្រឿងសង្ស័យបើកបរក្នុងល្បឿនលឿនបានជ្រុលចង្កូតទៅបុកបង្គោលភ្លើងបំភ្លឺផ្លូវ បណ្តាលអោយខូចខាតយ៉ាងដំណំនៅវេលាម៉ោង ០១និង១៥នាទីរំលងអធ្រាត្រ ឈានចូលថ្ងៃទី១៧ ខែកក្កដា ឆ្នាំ២០២៥ នៅចំណុចភូមិខ្សាច់ពោយ សង្កាត់វត្តគរ ក្រុងបាត់ដំបង។
ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្តម៉ាក FORD RANGER ពណ៌ក្រហម ០១គ្រឿង ពាក់ផ្លាកលេខ បាត់ដំបង(ស្តី) 1519 បើកបរដោយបុរសម្នាក់ក្នុងល្បឿនយ៉ាងលឿន ទិសដៅពីត្បូងទៅជើង លុះមកដល់ចំណុចកើតហេតុខាងលើបានជ្រុលចង្កូតទៅបុកបង្គោលភ្លើងបំភ្លឺផ្លូវបណ្ដាលឲ្យបាក់អស់មួយដើម ចំណែករថយន្តខូចខាតផ្នែកខាងមុខយ៉ាងដំណំ។
ក្រោយពេលកើតហេតុ កម្លាំងជំនាញបានចុះទៅធ្វើការពិនិត្យកន្លែងកើតហេតុរួចបានស្ទូចយករថយន្តខាងលើទៅរក្សាទុកនៅការិយាល័យជំនាញដើម្បីចាត់ការតាមនីតិវិធី៕
