ព្រះវិហារ
មេបញ្ជាការតំបន់ប្រតិបត្តិការសឹករងព្រះវិហារយោធភូមិភាគទី៤ កងទ័ពជើងគោក លោក ច័ន្ធ សុភក្រ្តា បានទទួលស្គាល់ថា កាលពីព្រឹកថ្ងៃទី២៩ ខែកក្កដា ទាហានថៃបានប្រើកលល្បិចថោកទាប បក់ដៃហៅទាហានកម្ពុជា២០នាក់ ទៅចាប់ដៃស្វាគមន៍គ្នា បន្ទាប់ពីមានបទឈប់បាញ់ ប៉ុន្តែក្រោយពីបាននិយាយសំណេះសំណាលដោយញញឹមរាក់ទាក់ ហើយសុំថតរូបជុំគ្នាជាមួយទាហានកម្ពុជា ស្រាប់តែទាហានថៃដែលបង្កប់ខ្លួននៅក្នុងព្រៃខាងក្រោយ ចេញមកព័ទ្ធភ្ជង់កាំភ្លើងមកទាហានកម្ពជាទាំង២០នាក់ អោយលើកដៃដើម្បីចាប់ខ្លួន ប៉ុន្តែក្នុងនោះ មានទាហានកម្ពុជាម្នាក់បានរត់រួច។
លោក ច័ន្ទ សុភ័ក្ដ្រា មេបញ្ជាការបានថ្លែងប្រាប់បណ្ដាអនុព័ន្ធយោធាស្ថានទូតបរទេសចំនួន១៣ប្រទេស ដែលចុះពិនិត្យស្ថានភាពជាក់ស្ដែងនៃការអនុវត្តបទឈប់បាញ់នៅព្រំដែនចក្រអានសេះ នៅថ្ងៃទី៣០ ខែកក្កដាទៀតថា នៅក្នុងចំណោមទាហានខ្មែរទាំងនោះ អាចមានទាហានពីរនាក់ ត្រូវបានទាហានថៃបាញ់សម្លាប់ បន្ទាប់ពីបានព័ទ្ធចាប់ខ្លួន នេះសរបញ្ជាក់អោយឃើញថាកលល្បិចថោកទាប រំលោភលើការចចារច្បាប់អន្តរជាតិបទឈប់បាញ់៕
