ព្រះវិហារ៖
អាជ្ញាធរជាតិប្រាសាទព្រះវិហារ បានធ្វើការថ្កោលទោសយ៉ាងខ្លាំងក្លាបំផុតចំពោះអំពើរបស់កងកម្លាំងឈ្លានពាន សៀម កាលពីថ្ងៃ២៤/២៥ ខែកក្ដដា ឆ្នាំ២០២៥ ដែលបានធ្វើអោយប៉ះពាល់និងបំភ្លេចបំផ្លាញយ៉ាងធ្ងន់ធ្ងូមកលើរចនាសម្ភ័ន្ធផ្ទាល់របស់បេតិកភ័ណ្ឌពិភពលោកគឺប្រាសាទព្រះវិហារ និងជុំវិញប្រាសាទព្រះវិហារដែលជាមរតវប្បធម៌ប្រវត្តសាស្រ្តដ៏ថ្លៃថ្លារបស់ប្រជាជាតិខ្មែរ។
ពាក់ព័ន្ធករណីវាយប្រហាមិនញើតនេះដែរ កម្លាំងកងទ័ពឈ្លានពានរបស់សៀម បានផ្លោងគ្រាប់ប្រភេទធំៗ និងការទំលាក់គ្រាប់បែកចង្កោមពីលើអាកាសដោយយន្តហោះចម្បាំងF 16 គឺជាការបំពានយ៉ាងធ្ងន់ធ្ងូនិងមិនអាចទទួលយកបាន មិនគោរពទៅតាមអនុសញ្ញា ទីក្រុងឡាអេ ឆ្នាំ១៩៥៤ស្ដីពីកិច្ចការពារសម្បាត្តិវប្បធម៌ពិភពលោក។
ជាមួយគ្នានេះដែរប្រទេសសៀម ក៏ជារដ្ឋសមាជិកនៃគណកម្មាធិការសម្របសម្រួលអន្តរជាតិដើម្បីអភិរក្សនិងលើកកំពស់ប្រាសាទព្រះវិហារ(ICC)ព្រះវិហារផងដែរ។
ស្របតាច្បាប់និងអនុសញ្ញាអន្តរជាតិនានាក្នុងនាមជាសមាជិក នៃអង្គការយូណេស្គូ និងគណកម្មាការបេតិកភ័ណ្ឌពិភពលោកដើម្បីអភិរក្សនិងលើកតំលៃប្រាសាទព្រះវិហារ ប៉ុន្តែបានធ្វើសកម្មភាពបំផ្លេចបំផ្លាញមកលើបេតិកភ័ណ្ឌពិភពលោក ហើយបានបង្ករអោយមានជម្លៀសប្រជាជនខ្មែររាប់ពាន់គ្រួសារនិងបណ្ដាលអោយមានគ្រោះថ្នាក់ដល់អាយុជីវិតមនុស្ស សូមបីតែស្តបរូបសំណាក លោកតា អ៊ុំ នៅច្រកអានសេះ ក៏បានកងទ័ពឈ្លានពានរបស់សៀម បាញ់ប្រហារខូចខាតទាំងស្រុងផងដែរ នេះជាការរំលោភបំពានយ៉ាងធ្ងន់ធ្ងូមកលើអធិតេយ្យភាព បូរណភាពទឹកដីរបស់កម្ពុជាពិតប្រាកដមែន៕
