អំពើហឹង្សាបានផ្ទុះឡើងនៅក្នុងរដ្ឋធានីនៃប្រទេសអង់ហ្គោឡាកាលពីថ្ងៃចន្ទ ទី29 ខែកក្កដា ខណៈដែលអ្នកស្រុក បានប្រមូលផ្តុំគ្នាធ្វើការតវ៉ាជុំវិញការកើនឡើងតម្លៃប្រេង។ ការតវ៉ា បានក្លាយទៅជាអំពើហិង្សា ដោយជំរុញឲ្យមានមនុស្សជាច្រើននាក់ស្លាប់ ច្រើននាក់ផ្សេងទៀត ត្រូវបានចាប់ខ្លួន បន្ទាប់ពីប៉ះទង្គិចជាមួយកងកម្លាំងប៉ូលិស។ តម្លៃប្រេងនៅក្នុងប្រទេសនេះ បានកើនឡើងមួយភាគបីក្នុងខែនេះ ដែលជាផ្នែកមួយនៃការជំរុញរបស់រដ្ឋាភិបាល ដើម្បីទប់ស្កាត់ការឧបត្ថម្ភធនថ្លៃដើម និងបង្កើនហិរញ្ញវត្ថុសាធារណៈ។
