ភ្នំពេញ៖
ជនសង្ស័យឆក់២នាក់ ត្រូវបានកម្លាំងនគរបាលខណ្ឌឬស្សីកែវ សហការជាមួយនគរបាលប៉ុស្តិ៍ទួលសង្កែទី២ ស្រាវជ្រាវឃាត់ខ្លួន បន្ទាប់ពីធ្វើសកម្មភាពលួចមានស្ថានទម្ងន់ទោសដោយប្រើហិង្សា(ឆក់ទូរស័ព្ទមួយគ្រឿងម៉ាកiPhone13) នៅចំណុច ផ្លូវ១៩២៨ក្រុមទី២ ភូមិគង្គាផុសសង្កាត់ទួលសង្កែទី២ខណ្ឌឫស្សីកែវ រាជធានីភ្នំពេញ បានប្រមោណជាង៥ម៉ោង។
ជនសង្ស័យដែលត្រូវឃាត់ខ្លួន១.ឈ្មោះ ម៉ាន គង្គា ភេទប្រុស អាយុ២០ឆ្នាំមានសារធាតុញៀន ,២.ឈ្មោះ សុខ ពេជ្រ ភេទប្រុស អាយុ១៨ឆ្នាំមានសារធាតុញៀន។
ចំណែកជនរងគ្រោះជាម្ចាស់ទូរស័ព្ទ ឈ្មោះ ស៊ុំ សីរីវឌ្ឍនៈ ភេទស្រីអាយុ១៧ឆ្នាំ ជនជាតិខ្មែរ មុខរបរ សិស្ស មានទីលំនៅចំណុចភូមិ ជំម្រៅ សង្កាត់គោករកា ខណ្ឌ ព្រែកព្នៅ រាជធានីភ្នំពេញ។
តាមនគរបាល បានអោយដឹងថា ជនសង្ស័យមានបក្សពួកចំនួន៣នាក់ជិះម៉ូតូ៣គ្រឿងបានធ្វើសកម្មភាពឆក់ទូរសព្ទរបស់ជនរងគ្រោះនៅចំណុច ផ្លូវ១៩២៨ក្រុមទី២ ភូមិគង្គាផុសសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ នៅថ្ងៃទី០៥ ខែកក្កដា ឆ្នាំ២០២៥ វេលាម៉ោង១៣និង២០នាទីរសៀលខណៈពេលដែលជនរងគ្រោះជិះម៉ូតូមួយគ្រឿងជាមួយមិត្តភក្កិ។ នៅក្នុងសកម្មភាពសង្ស័យបានឆក់ទូរសព្ទម៉ាក iPhone មួយគ្រឿងបានសម្រេចរួចពីជិះគេច ខ្លួនបាត។
បន្ទាប់ពីរងគ្រោះដោយសារចោរឆក់ម្ចាស់ទូរស័ព្ទ បានមកដាក់ពាក្យបណ្តឹងនៅប៉ុស្តិ៍នគរបាលទួលសង្កែទី២ហើយត្រូវកម្លាំងនគរបាលប៉ុស្តិ៍សហការជាមួយនឹងនគរបាលខណ្ឌឫស្សិកែវបានធ្វើការស្រាវជ្រាវហើយឈានទៅឃាត់បានជនសង្ស័យបានចំនួន២នាក់នៅវេលាម៉ោង៥និង៣០នាទីល្ងាចថ្ងៃដដែល នៅចំណុចផ្លូវបេតុង សង្កាត់ពន្សាំង ខណ្ឌព្រែកព្នៅ រាជធានីភ្នំពេញព្រមទាំងដករហូតវត្ថុតាងរួមមានម៉ូតូចំនួន ២គ្រឿងនិងទូរសព្ទ ចំនួន០២គ្រឿង។
ចំណែកទូរសព្ទរបស់ជនរងគ្រោះពុំទាន់ ដកហូតបានឡើយត្រូវបានជនសង្ស័យប្រគល់ទៅឲ្យបក្សពួកម្នាក់ទៀតឈ្មោះ ឆ្រឹង ភេទប្រុស អាយុប្រហែល២៣ឆ្នាំ ជនជាតិខ្មែរ មានទីលំនៅសង្កាត់ទឹកថ្លា ខណ្ឌសែនសុខ បានគេចខ្លួនបាត់៕
