ភ្នំពេញ៖
បុរសម្នាក់ បានស្លាប់បាត់បង់ជីវិតនៅនិងកន្លែងកើតហេតុភ្លាមៗ បន្ទាប់ពីជិះម៉ូតូលឿនមិនប្រយ័ត្នជ្រុលទៅបុកផ្ទប់ពីក្រោយរថយន្តកុងតឺន័រចតស្ងៀមលើចិញ្ចើមផ្លូវ។
ហេតុការណ៍គ្រោះថ្នាក់ចរាច៤ណ៍ខាងលើនេះដែរ ស្ថិតនៅតាមបណ្ដោយផ្លូវ បេតុង សង្កាត់ គោករកា ខណ្ឌ ព្រែកព្នៅ រាជធានី ភ្នំពេញ នាវេលា ម៉ោង ១២៖០៥នាទីរំលងអាធ្រាត្រ ឈានចូល ថ្ងៃ ទី ០៧ ខែកក្កដា ឆ្នាំ ២០២៥។
បើតាមការបញ្ជាក់ពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសរងគ្រោះម្នាក់ បានជិះម៉ូតូម៉ាកHonda Dream c125 ពណ៌ខ្មៅមួយគ្រឿងពាក់ផ្លាកលេខភ្នំពេញ 1JE-8130 ជិះម្នាក់ឯងធ្វើដំណើរ តាមបណ្ដោយផ្លូវបេតុងក្នុងល្បឿនលឿន ។
លុះពេលជិះមកដល់ចំណុចកើតហេតុក៏ស្រាប់តែរេចង្កូតជ្រុលទៅបុកផ្ទប់ពីក្រោយរថយន្ត កុងតឺន័រ ដែលកំពុងចតចោលនៅលើចិញ្ចើមផ្លូវ ចំពីក្រោយពេញទំហឹង បណ្ដាលឲ្យអ្នកជិះម៉ូតូស្លាប់នៅនិងកន្លែងកើតហេតុភ្លាមៗ រីឯអ្នកបើករថយន្តកុងតឺន័រមិនបាននៅកន្លែងកើតហេតុនោះទេ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ធ្វើការវាស់វែងយកម៉ូតូនិងរថយន្តទៅរក្សាទុក។ ចំណែកសព សមត្ថកិច្ចធ្វើកំណត់ហេតុប្រគល់សពអោយទៅក្រុមគ្រួសារយកទៅធ្វើបុណ្យទៅតាមប្រពៃណី៕