អ្នកគាំទ្រវិស័យ K-pop កំពុងតែត្រៀមចិត្តត្រៀមកាយ ខណៈដែល PLEDIS Entertainment បានប្រកាសជាផ្លូវការថាសមាជិក SEVENTEEN, ហូស្ស៊ិ (Hoshi) និង វ៉ូហ្ស៊ី (Woozi) នឹងចាប់ផ្តើមបំពេញកាតព្វកិច្ចយោធារបស់ពួកគេនៅក្នុងខែកញ្ញានេះ។ ពួកគេទាំង ពីរ ក៏ គ្រោង រៀបចំ កម្មវិធី ពិសេស មួយ ជាមួយ អ្នក គាំទ្រ ជា ការ លា គ្នាចុង ក្រោយ របស់ ពួក គេ មុន ពេល ចូល ក្នុងជួរទាហានផងដែរ។

កាលពីថ្ងៃទី៨ ខែកក្កដា ឆ្នាំ២០២៥ PLEDIS Entertainment បានចេញសេចក្តីថ្លែងការណ៍ដែលមានខ្លឹមសារយ៉ាងដូច្នេះថា៖

“សួស្តី នេះគឺជា PLEDIS Entertainment សមាជិកក្រុម SEVENTEEN ដែលមានដូចជា ហូស្ស៊ិ (Hoshi) និង វ៉ូហ្ស៊ី (Woozi) គ្រោងនឹងចាប់ផ្តើមការបំពេញកាតព្វកិច្ចយោធារបស់ពួកគេនៅក្នុងខែកញ្ញានេះ ដោយ វ៉ូហ្ស៊ី (Woozi)  នឹងចាប់ផ្តើមការហ្វឹកហ្វឺនយោធាជាកាតព្វកិច្ចរបស់គាត់នៅថ្ងៃទី ១៥ ខែកញ្ញា ហើយ ហូស្ស៊ិ (Hoshi) នឹងចាប់ផ្តើមនៅថ្ងៃទី ១៦ ខែកញ្ញា។

អ្នកទាំងពីរនឹងមានសកម្មភាពចុងក្រោយរបស់ពួកគេមុនពេលចុះឈ្មោះចូលបម្រើក្នុងជួរទាហាន ដែលជាការប្រគុំតន្ត្រី ក្រោមឈ្មោះថា [WARNING] និងមានការបង្ហាញវីដេអូ សម្រាប់អាល់ប៊ុមទី ៥ ដែលមានឈ្មោះថា "Yizhiyu" របស់ SEVENTEEN ផងដែរ។

បន្ទាប់ ពី បំពេញកាតព្វកិច្ចយោធា ពួកគេ ទាំង ពីរ នឹង មិន អាច ចូល រួម ក្នុង សកម្មភាព ក្រោម ឈ្មោះ SEVENTEEN ទៀតនោះទេ។ ដ្បិតថាយ៉ាងនេះក្តី ពួកគេនឹងបញ្ចេញមាតិកាផ្សេងៗដែលបានថតទុក ដើម្បីបង្កើតទំនាក់ទំនងជាមួយអ្នកគាំទ្ររបស់ខ្លួន។

ដោយហេតុថា នៅថ្ងៃចូលទៅបំពេញកាត្វកិច្ចជាយោធា នឹងមានទាហានមួយចំនួនធំ និងក្រុមគ្រួសាររបស់ពួកគេទៅចូលរួមជូនដំណើរផងដែរនោះ ដូច្នេះយើងសូមស្នើសុំកិច្ចសហការពីអ្នកគាំទ្រទាំងអស់ ផ្អាកការមកជូនដំណើរពួកគេទាំងពីរដោយផ្ទាល់។ យើងចង់ឱ្យអ្នកគាំទ្រ ផ្តល់ជាកម្លាំងចិត្ត និងពាក្យជូនពរទៅកាន់ ហូស្ស៊ិ (Hoshi) និង វ៉ូហ្ស៊ី (Woozi) តាមរយៈ វីវ៉ើស (Weverse)។

យើងសូមថ្លែងអំណរគុណចំពោះការស្រលាញ់ និងការគាំទ្រចំពោះសិល្បកររបស់យើង ហើយយើងចង់ឱ្យអ្នកគាំទ្រនៅតែបន្តផ្ញើជាកម្លាំងចិត្ត ដើម្បីឱ្យពួកគេបំពេញភារកិច្ចប្រកបដោយសុវត្ថិភាព និងត្រលប់មកវិញដោយសុខភាពល្អ។

យើង នឹង នៅបន្ត គាំទ្រ សិល្បករ របស់ យើង យ៉ាងពេញទំហឹងក្នុង អំឡុង ពេល នេះ ផង ដែរ”។

គួរឱ្យដឹងថា បច្ចុប្បន្ននេះ ហូស្ស៊ិ (Hoshi) និង វ៉ូហ្ស៊ី (Woozi) កំពុងត្រៀមខ្លួនសម្រាប់កម្មវិធី HxW FAN CONCERT [WARNING] ដែលនឹងប្រារព្ធឡើងនៅប្រទេសកូរ៉េ ហើយកម្មវិធីនេះនឹងក្លាយជាសកម្មភាពលាគ្នាជាផ្លូវការមួយមុនពេលពួកគេចូលបំពេញកាតព្វកិច្ចយោធាតាមការគ្រោងទុក៕