កាលពីថ្ងៃទី ៤ ខែកក្កដា ឆ្នាំ ២០២៥ កន្លងទៅ សារព័ត៌មានបរទេសមួយ បានរាយការណ៍ថា លោក ម៉ៃឃើល មេដសិន (Michael Madsen) តារាសម្តែងហូលីវូដដ៏ល្បីល្បាញ ដែលបានដើរតួក្នុងខ្សែភាពយន្តដូចជា រ៉េហ្សឹវវ័រ ដកស៍ (Reservoir Dogs), ឃីល ប៊ីល (Kill Bill), ដន់នី ប្រាសកូ (Donnie Brasco) និងរឿងជាច្រើនទៀត បានទទួលមរណភាពក្នុងអាយុ ៦៧ ឆ្នាំ បន្ទាប់ពីត្រូវបានគេប្រទះឃើញសន្លប់នៅក្នុងផ្ទះរបស់គាត់នៅទីក្រុង ម៉ាលីបូ (Malibu) រដ្ឋកាលីហ្វ័រញ៉ា កាលពីព្រឹកថ្ងៃព្រហស្បតិ៍ (ម៉ោងក្នុងតំបន់)។
អាជ្ញាធរនៅ Los Angeles បានឱ្យដឹងថា ពួកគេបានទទួលការហៅមកកាន់លេខ ៩១១។ បន្ទាប់ពីធ្វើកោសល្យវិច័យរួច ឃើញថាការស្លាប់នៅកន្លែងកើតហេតុរបស់ ម៉ៃឃើល មេដសិន (Michael Madsen) ពុំមែនជាការស្លាប់ដោយអំពើឃាតកម្ម ឬការវាយដំឡើយ ។
ជាមួយគ្នានេះដែរ លោក រ៉ន ស្មីត (Ron Smith) ដែលជាអ្នកគ្រប់គ្រងផ្ទាល់ខ្លួនរបស់ ម៉ៃឃើល មេដសិន (Michael Madsen) បានបញ្ជាក់តាមរយៈអ៊ីមែលថា តារាសម្ដែងជើងចាស់រូបនេះបានស្លាប់ដោយសារគាំងបេះដូង៕
