គិតត្រឹមថ្ងៃអង្គារ ទី8 ខែកក្កដា មានមនុស្សយ៉ាងហោចណាស់ 111 នាក់បានស្លាប់ និងប្រមាណ 172 នាក់ទៀតកំពុងបាត់ខ្លួន បន្ទាប់ពីគ្រោះមហន្តរាយទឹកជំនន់ បានវាយលុករដ្ឋតិចសាស់របស់សហរដ្ឋអាមេរិក។ តំបន់ ខឺ (Kerr) រដ្ឋតិចសាស ស្ថិតក្នុងតំបន់ដែលរងគ្រោះខ្លាំងជាងគេ ដោយមានមនុស្សរហូតដល់ទៅ 87 នាក់បានស្លាប់ក្នុងតំបន់នេះ។ អាជ្ញាធរក្នុងតំបន់ ខឺ បានបញ្ជាក់ថា បច្ចុប្បន្ន បុគ្គលិកសង្គ្រោះរាប់រយនាក់ កំពុងបន្តប្រតិបត្តិការស្វែងរក និងជួយសង្គ្រោះ នៅតាមដងទន្លេ ហ្កូដាលុប (Guadalupe) ក្នុងតំបន់ ខឺ។
