គ្រោះរញ្ជួយដីកម្រិត 6.1 រ៉ិចទ័រ វាយប្រហារប្រទេសតួរគី

មនុស្សម្នាក់បានស្លាប់ 29 នាក់រងរបួស និងអគារចំនួន 16 ខ្នងបានដួលរលំកាលពីថ្ងៃអាទិត្យ ទី10 ខែសីហា បន្ទាប់ពីគ្រោះរញ្ជួយដីកម្រិត 6.1 រិចទ័រ វាយប្រហារខេត្ត បាលីគេសឺ (Balikesir) របស់ប្រទេសតួរគី។ ភ្លាមៗ បន្ទាប់ពីគ្រោះរញ្ជួយដី ប្រតិបត្តិការស្វែងរក និងជួយសង្គ្រោះត្រូវបានធ្វើឡើង ដោយសាកសពបុរសវ័យ 81 ឆ្នាំម្នាក់ ត្រូវបានទាញចេញពីគំនរបាក់បែក ហើយជនរងគ្រោះទាំងអស់ត្រូវបានបញ្ជូនទៅកាន់មន្ទីរពេទ្យ។