លោកប្រធានាធិបតីសហរដ្ឋអាមេរិក ដូណាល់ ត្រាំ បានបញ្ជាក់យ៉ាងច្បាស់ថា លោកចង់ឲ្យកិច្ចព្រមព្រៀងបញ្ចប់សង្គ្រាមរវាងប្រទេសរុស្ស៊ី និងអ៊ុយក្រែន ចប់ត្រឹមថ្ងៃទី 8 ខែសីហាខាងមុខ។ ថ្លែងក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ អ្នកការទូតជាន់ខ្ពស់អាមេរិក លោក ចន ខេលី (John Kelley) បានបញ្ជាក់ថា "ទាំងរុស្ស៊ី និងអ៊ុយក្រែន ត្រូវតែចរចាឲ្យមានបទឈប់បាញ់ និងសន្តិភាពយូរអង្វែង។ គួរបញ្ជាក់ផងដែរថា ជនស៊ីវិលរាប់ពាន់នាក់ ដែលភាគច្រើនជាជនជាតិអ៊ុយក្រែន ត្រូវបានសម្លាប់ ចាប់តាំងពីទីក្រុងមូស្គូបើកការឈ្លានពានកាលពីឆ្នាំ 2022។ កន្លងមក ទីក្រុងកៀវ និងមូស្គូ ក៏បានធ្វើការចរចា 3 ជុំក្នុងទីក្រុងអ៊ីស្តង់ប៊ុលរបស់ប្រទេសតួគី តែសម្រេចបានតែការដោះដូរអ្នកទោសសង្រ្គាមតែប៉ុណ្ណោះ។
