ប្រជាជនប៉ាឡេស្ទីននៅតំបន់ហ្គាហ្សា បានសម្តែងការព្រួយបារម្ភ និងភ័យខ្លាច បន្ទាប់ពីសេចក្តីថ្លែងការណ៍របស់លោកនាយករដ្ឋមន្ត្រីអ៊ីស្រាអែល ប៊េនចាម៊ីន ណេតាន់យ៉ាហ៊ូ ដែលចង់គ្រប់គ្រងដោយយោធាក្នុងតំបន់ហ្គាហ្សា។ លោក ណេតាន់យ៉ាហ៊ូ បានបញ្ជាក់ថា អ៊ីស្រាអែលមានបំណងកាន់កាប់តំបន់ទាំងមូលសម្រាប់គោលបំណងសន្តិសុខ ប៉ុន្តែមិនមានគម្រោងគ្រប់គ្រងរយៈពេលវែងនោះទេ។ ការប្រកាសចង់គ្រប់គ្រងទាំងស្រុងលើតំបន់ហ្គាហ្សានេះ គឺផ្ទុយនឹងការសម្រេចចិត្តកាលពីឆ្នាំ 2005 របស់អ៊ីស្រាអែល ដែលបានដកពលរដ្ឋ និងទាហានអ៊ីស្រាអែលចេញពីតំបន់ហ្គាហ្សា ប៉ុន្តែរក្សាការគ្រប់គ្រងលើព្រំដែន ដែនអាកាស និងឧបករណ៍ប្រើប្រាស់។ ជាការឆ្លើយតប ក្រុមសកម្មប្រយុទ្ធហាម៉ាស់ បានហៅការអត្ថាធិប្បាយរបស់លោកថា ជា "ការធ្វើរដ្ឋប្រហារដោយចេតនា" ប្រឆាំងនឹងដំណើរការចរចាសន្តិភាព។
