ឧត្តរមានជ័យ ៖
គិតមកដល់ម៉ោង១១ព្រឹកថ្ងៃទី១ ខែសីហា ឆ្នាំ២០២៥នេះ ទាហានកម្ពុជាចំនួន២រូប ត្រូវបានភាគីថៃប្រគល់ត្រឡប់មកវិញហើយ នៅឯច្រកទ្វារព្រំដែនអន្ដរជាតិអូរស្មាច់ ខេត្តឧត្តរមានជ័យ។
ដោយឡែក ទាហានកម្ពុជាដែលនៅសេសសល់ កំពុងបន្ដនីតិវិធី នេះបើតាមសេចក្ដីរាយការណ៍ផ្ទាល់ពីច្រកទ្វារដែនអន្ដរជាតិអូរស្មាច់។
ទាហានកម្ពុជា២រូប ដែលត្រូវបានភាគីថៃ ប្រគល់មកកម្ពុជាវិញនេះ មានឈ្មោះ៖ អនុសេនីយ៍ត្រ អាង អឿង អាយុ៣៧ឆ្នាំ និងឈ្មោះ ពលបាលឯក ម៉ម វុទ្ធី អាយុ៥៣ឆ្នាំ៕
