មនុស្សចំនួន 14 នាក់បានស្លាប់ និងប្រមាណ 152 នាក់ទៀតបាត់ខ្លួន បន្ទាប់ពីការបាក់ទំនប់បឹងមួយកន្លែងនៅក្នុងទីក្រុង ហួរលៀន ភាគខាងកើតកោះតៃវ៉ាន់ ក្រោយការបោកបក់របស់ព្យុះទីហ្វុង រ៉ាហ្កាហ្សា។ គួរបញ្ជាក់ផងដែរថា ព្យុះទីហ្វុង រ៉ាហ្កាហ្សា ដែលជាព្យុះខ្លាំងបំផុតក្នុងឆ្នាំនេះ បានបោកបក់លើកោះតៃវ៉ាន់ ដោយបង្កឲ្យមានភ្លៀងធ្លាក់ខ្លាំង រហូតដល់បាក់ទំនប់បឹងមួយកន្លែង ជន់លិចពាសពេញតំបន់ គួងហ្វូ របស់កោះនេះ។
