កាលពីថ្ងៃពុធ ទី17 ខែកញ្ញា ប្រទេសវ៉េណេស៊ូអេឡា បានចាប់ផ្តើមធ្វើសមយុទ្ធយោធា ជាមួយនឹងការបង្ហាញយន្តហោះចម្បាំង នាវាចម្បាំង និងយានចម្បាំងជាច្រើនគ្រឿង ពោល គឺទន្ទឹមនឹងការកើនឡើងនៃភាពតានតឹងជាមួយសហរដ្ឋអាមេរិក។ សមយុទ្ធរយៈពេល 3 ថ្ងៃ ដែលមានឈ្មោះថា អធិបតេយ្យភាពការីប៊ីន ឬ (សូវឺរេន ការីប៊ីន) Sovereign Caribbean ដែលធ្វើឡើងក្នុងគោលបំណងបង្ហាញពីអធិបតេយ្យភាពលើទឹកដីកោះនេះ នឹងត្រូវបានបញ្ជាឲ្យធ្វើឡើងដោយលោកប្រធានាធិបតី នីកូឡាស ម៉ាឌូរ៉ូ។
