គ្រោះរញ្ជួយដីកម្រិត 6.9 រិចទ័រ វាយប្រហារហ្វីលីពីន សម្លាប់មនុស្ស 22 នាក់

គិតត្រឹមថ្ងៃពុធ ទី01 ខែតុលានេះ មានមនុស្សយ៉ាងហោចណាស់ 22 នាក់បានស្លាប់ បន្ទាប់ពីគ្រោះរញ្ជួយដីកម្រិត 6.9 រ៉ិចទ័រ វាយប្រហារប្រទេសហ្វីលីពីន។ គួរបញ្ជាក់ផងដែរថា គ្រោះរញ្ជួយដី បានវាយប្រហារនៅឆ្នេរសមុទ្រនៃទីក្រុង ស៊ីប៊ូ ក្នុងតំបន់ វីសាយ៉ាស របស់ប្រទេសហ្វីលីពីន កាលពីយប់ថ្ងៃអង្គារ ទី30 ខែកញ្ញា ដោយបង្កឲ្យមានការដាច់ចរន្តអគ្គិសនី និងបាក់រលំអគារជាច្រើនខ្នង។