ចិននិយាយថា ជប៉ុន «ឆ្លងកាត់បន្ទាត់ក្រហមហើយ» ជុំវិញបញ្ហាកោះតៃវ៉ាន់

រដ្ឋមន្ត្រីការបរទេសប្រទេសចិន លោក វ៉ាង យី បានថ្លែងថា ប្រទេសជប៉ុនបាន «ឆ្លងកាត់បន្ទាត់ក្រហមហើយ» ជាមួយនឹងការលើកឡើង ជុំវិញបញ្ហាកោះតៃវ៉ាន់។ លោក វ៉ាង ដែលជាមន្ត្រីជាន់ខ្ពស់របស់ប្រទេសចិន បានចោទប្រកាន់លោកស្រីនាយករដ្ឋមន្ត្រីប្រទេសជប៉ុន សេណេ តាកៃឆី ថាបានព្យាយាមជ្រៀតជ្រែកដោយសកម្មភាពយោធា ជុំវិញបញ្ហាកោះតៃវ៉ាន់។ ជាការឆ្លើយតប លោកស្រី សេណេ តាកៃឆី  បានថ្លែងថា ប្រទេសរបស់លោកស្រី «បើកចំហសម្រាប់ការសន្ទនាជាមួយប្រទេសចិន»។ គួរបញ្ជាក់ផងដែរថា ភាពតានតឹង ដែលបានកើនឡើងរវាងប្រទេសចិន និងជប៉ុនកាលពីពេលថ្មីៗនេះ កើតឡើង បន្ទាប់ពីការលើកឡើងរបស់លោកស្រីនាយករដ្ឋមន្ត្រីប្រទេសជប៉ុន សេណេ តាកៃឆី ដែលជា ជប៉ុន នឹងធ្វើការឆ្លើយតបដោយកម្លាំងយោធា ប្រសិនបើប្រទេសចិន បើកការវាយប្រហារលើកោះតៃវ៉ាន់។