លោកប្រធានាធិបតី Trump ប្រកាសផែនការនាវាចម្បាំងថ្មី ដែលមានអនុភាពខ្លាំងជាងមុន

លោកប្រធានាធិបតីសហរដ្ឋអាមេរិក ដូណាល់ ត្រាំ បានប្រកាសកាលពីថ្ងៃចន្ទ ទី22 ខែធ្នូ ពីផែនការសម្រាប់កងទ័ពជើងទឹក គឺការសាងសង់នាវាចម្បាំងថ្មីមួយ ដែលមានទំហំធំជាង លឿនជាង និងអានុភាពខ្លាំងជាងនាវាចម្បាំងធំបំផុតដែលផលិតដោយសហរដ្ឋអាមេរិកមុនៗដល់ទៅ 100 ដង។ លោកប្រធានាធិបតី ត្រាំ បានបន្តថា លោកនឹងជួបជាមួយក្រុមហ៊ុនសព្វាវុធធំៗនៅសប្តាហ៍ក្រោយ ដើម្បីពន្លឿនការសាងសង់នាវានេះ។