សៀមរាប៖
នៅវេលាម៉ោង១៨:០០នាទី ថ្ងៃទី២១ ខែកុម្ភៈ ឆ្នាំ២០២៦ នៅចំណុចភូមិស្ពានជ្រាវ សង្កាត់សៀមរាប ក្រុងសៀមរាប ខេត្តសៀមរាប មានករណីបុរសម្នាក់ បែកថ្នាំឡើងលើដំបូងផ្ទះ បង្កឲ្យមានការភ្ញាក់ផ្អើលដល់អ្នកជិតខាង ប៉ុន្តែមិនបានបណ្តាលឲ្យមានគ្រោះថ្នាក់នោះឡើយ។
បន្ទាប់ពីមានប្រជាពលរដ្ឋ បានផ្តល់ព័ត៌មានមកកាន់ កងរាជអាវុធហត្ថខេត្តសៀមរាប តាមរយៈលេខទូរស័ព្ទបន្ទាន់ ១២៩៦ ដើម្បីសុំកិច្ចអន្តរាគមន៍ ភ្លាមៗនោះ កម្លាំងជំនាញ និងកម្លាំងគ-អន្តរាគមន៍ កងរាជអាវុធហត្ថខេត្តសៀមរាប បានចុះអន្តរាគមន៍ដល់កន្លែងកើតហេតុ នឹងបានធ្វើការឃាត់ខ្លួនបុរសនោះ បញ្ជូនទៅកាន់ទីបញ្ជាការ កងរាជអាវុធហត្ថខេត្តសៀមរាប ដើម្បីចាត់ការតាមនីតិវិធី ។
ជនសង្ស័យ ឈ្មោះ ពៅ សុធារុន ភេទប្រុស អាយុ ២៧ឆ្នាំ ត្រូវបានកម្លាំងជំនាញនៃ ការិយាល័យប្រឆាំងគ្រឿងញៀន កងរាជអាវុធហត្ថខេត្តសៀមរាប ធ្វើតេស្តទឹកមូត្ររកឃើញមានសារធាតុញៀន ដែលអាចសន្និដ្ឋានបានថាបុរសរូបនេះ ប្រើប្រាស់គ្រឿងញៀនលើសកម្រិតធ្វើឲ្យបាត់បង់ស្មារតី (បែកថ្នាំ) ទើបឡើងលើដំបូលផ្ទះធ្វើឲ្យមានការភ្ញាក់ផ្អើលដល់អ្នកជិតខាងយ៉ាងដូច្នេះ។
ជាសារដាស់តឿន ដល់ប្អួនៗក្មួយៗ សូមឆ្លើយថាទេចំពោះ"គ្រឿងញៀន" ការសេពគ្រឿងញៀនធ្វើឲ្យប៉ះពាល់ដល់ខ្លួនឯង គ្រួសារ និងសង្គមជាតិ៕
