លោក សាអីហ្វ អាល់ អីស្លាម ហ្គាដាហ្វី ដែលកូនប្រុសរបស់អតីតមេដឹកនាំប្រទេសលីប៊ី គឺលោក ម៉ូអាម៉ា ហ្គាដាហ្វី នោះ ត្រូវបានសម្លាប់ កាលពីថ្ងៃអង្គារ ទី3 ខែកុម្ភៈ ខណៈដែលព័ត៌មានលម្អិតជុំវិញការស្លាប់របស់លោក នៅមិនទាន់ត្រូវបានបញ្ជាក់ច្បាស់លាស់នៅឡើយទេ។ លោក សាអីហ្វ អាល់ អីស្លាម ហ្គាដាហ្វី ត្រូវបានគេស្គាល់យ៉ាងច្បាស់នៅក្នុងប្រទេសអាហ្វ្រិកខាងជើង ជាពិសេស តួនាទីរបស់លោកក្នុងការបង្កើតគោលនយោបាយមុនឆ្នាំ 2011 តែកេរ្តិ៍ឈ្មោះជាសាធារណៈរបស់លោក បានថយចុះក្នុងរយៈពេលប៉ុន្មានឆ្នាំចុងក្រោយនេះ។ កាលពីឆ្នាំ 2015 តុលាការប្រទេសលីប៊ី បានចេញសាលក្រមកាត់ទោសប្រហារជីវិតលោក សាអីហ្វ អាល់ អីស្លាម ហ្គាដាហ្វី ពីបទបង្ក្រាបការតវ៉ាដោយសន្តិវិធី អំឡុងពេលបដិវត្តន៍ឆ្នាំ 2011 ដែលបានបញ្ចប់របបគ្រប់គ្រងរបស់ឪពុកលោកនោះ ហើយនៅឆ្នាំ 2021 លោក សាអីហ្វ អាល់ អីស្លាម ហ្គាដាហ្វី បានចុះឈ្មោះជាបេក្ខជនប្រធានាធិបតីសម្រាប់ការបោះឆ្នោត តែទីបំផុតបានដួលរលំ បន្ទាប់ពីភាពជាប់គាំងនយោបាយ។
