កម្មវិធីបង្ហាញម៉ូដពេលរសៀលអំពីទីក្រុងប៉ារីសផ្តាច់មុខជាមួយអ្នករចនាម៉ូត Eric Raisina បានប្រព្រឹត្តទៅយ៉ាងឆើតឆាយ និងចម្រុះពណ៌នៅ Hyatt Regency ភ្នំពេញ ដែលមានតារាបង្ហាញម៉ូតចំនួន 12 នាក់ចូលរួម។
នៅក្នុងកម្មវិធីដែលត្រូវបានដាក់ឈ្មោះថា "A Parisian Afternoon" ដោយ Eric Raisina បានស្វាគមន៍ភ្ញៀវកិត្តិយស ជាមួយការបង្ហាញពីការប្រមូលផ្តុំអំពីវាយនភាពខ្ពស់ ការប្រើប្រាស់ពណ៌ដិត និងសិល្បៈ couture ដែលនាំអ្នកទស្សនាទៅកាន់បេះដូងនៃទីក្រុងប៉ារីស។
បទពិសោធន៍សិល្បៈសិប្បកម្ម ភាពឆើតឆាយគ្មានពេលកំណត់ និងភាពទាក់ទាញនៃទីក្រុងប៉ារីស បានកើតមាននៅទីនេះក្នុងរាជធានីភ្នំពេញ ជាមួយអ្នករចនាដ៏ល្បីល្បាញលើពិភពលោក Eric Raisina ដែលបញ្ចប់ទៅកាលពីថ្ងៃទី 12 ខែកុម្ភៈ ឆ្នាំ 2026។
គួរជម្រាបជូនថា អេរិក រ៉េស៊ីណា គឺអ្នករចនាម៉ូដសម្លៀកបំពាក់ និងវាយនភណ្ឌអន្តរជាតិដ៏ល្បីឈ្មោះ ដែលបច្ចុប្បន្នមានមូលដ្ឋាននៅឯខេត្តសៀមរាប ប្រទេសកម្ពុជា។ គាត់កើតនៅប្រទេសម៉ាដាហ្គាស្ការ ហើយបានសិក្សាម៉ូដនៅទីក្រុងប៉ារីស ហើយក្រោយមកបានធ្វើការឱ្យបុគ្គល និងម៉ាកយីហោល្បីៗក្នុងពិភពម៉ូត។ ទឹកដៃរបស់លោក គឺឆ្លុះបញ្ចាំងពីភាពរស់រវើកនៃទីក្រុងប៉ារីស និងការលើកស្ទួយសិល្បៈហត្ថកម្មជាដើម។
