តារាចម្រៀង និងតារាសម្តែង លី ស៊ឹងហ្គី (Lee Seung Gi) ស្វាគមន៍សមាជិកទី២ ក្នុងគ្រួសារ ដោយត្រៀមគម្រោងត្រឡប់មកវិញឆាប់ៗនេះ

អ្នកតំណាងរបស់ តួឯកប្រុសក្នុងរឿងភាគកូរ៉េ លោក Lee Seung Gi បានប្រាប់ បណ្តាញព័ត៌មាន Dispatch នៅថ្ងៃទី 8 ខែកក្កដាថាភរិយារូបស្រស់ Lee Da In បានផ្តល់កំណើតឱ្យកូនប្រុសទីពីររបស់ពួកគេនៅរសៀលថ្ងៃទី 7 ខែកក្កដា។ ទាំងម្តាយ និងកូនមានសុខភាពល្អ"។ ចំណែកលោក   Lee Seung Gi បច្ចុប្បន្នកំពុងនៅក្បែរប្រពន្ធរបស់គាត់ និងជួយនាងឱ្យជាសះស្បើយ។

គូស្នេហ៍នេះបានរៀបការនៅខែមេសា ឆ្នាំ 2023។ ពួកគេបានស្វាគមន៍កូនដំបូងរបស់ពួកគេ ដែលជាកូនស្រីម្នាក់ ក្នុងខែកុម្ភៈ ឆ្នាំ 2024។ នៅក្នុងខែកុម្ភៈ ឆ្នាំនេះ ពួកគេបានប្រកាសថាពួកគេរំពឹងថានឹងមានកូនទីពីរ។ Lee Seung Gi ក៏បានចែករំលែកព័ត៌មាននេះក្នុងអំឡុងពេលបង្ហាញខ្លួនរបស់គាត់នៅលើ 'Hidden Singer 8' ក្នុងខែមិថុនា ដោយនិយាយថាកូនទីពីររបស់ពួកគេនឹងកើតឆាប់ៗនេះ។

ទន្ទឹមនឹងនេះដែរ Lee Seung Gi បានបង្ហាញខ្លួនជាលើកដំបូងនៅឆ្នាំ 2004 ជាមួយនឹងបទចម្រៀងល្បី "Because You're My Woman"។ ក្រោយមកគាត់បានផ្លាស់ប្តូរទៅជាតារាសម្តែង ដោយ សម្តែងក្នុងរឿងភាគល្បីៗដូចជា 'My Girlfriend Is a Gumiho,' 'The King 2 Hearts,' និងរឿង 'Gu Family Book' ផងដែរ។

Lee Da In គឺជាកូនស្រីរបស់តារាសម្តែងជើងចាស់ Kyeon Mi Ri និងជាប្អូនស្រីរបស់តារាសម្តែង Lee Yu Bi។ នាងបានបង្ហាញខ្លួនក្នុងរឿងភាគរួមមាន 'My Golden Life' និង 'My Dearest'។ បច្ចុប្បន្នលោក Lee Seung Gi កំពុងត្រៀមខ្លួនសម្រាប់កម្មវិធីប្រគុំតន្ត្រីទោលលើកដំបូងរបស់គាត់ក្នុងរយៈពេល ១៣ ឆ្នាំ។ គាត់នឹងរៀបចំកម្មវិធីការប្រគុំតន្រ្តីទេសចរណ៍ '2026 Lee Seung Gi Concert នៅថ្ងៃទី ២៤ និង ២៥ ខែតុលា ឆ្នាំ២០២៦ នេះ សម្រាប់ការត្រឡប់មកវិញក្នុងវិស័យតន្ត្រីចម្រៀងជាថ្មីម្តងទៀត៕