បងប្អូនកូនភ្លោះប្រុសទាំងពីរនាក់ លង់ទឹកស្លាប់ក្នុងពេលតែមួយ

    កណ្តាល៖ ម្តាយឳពុក ស្ទើរតែគាំងបេះដូងដោយកូនប្រុសភ្លោះ បានលង់ទឹកស្លាប់ បាត់បង់ជីវិតទាំងពីរនាក់ក្នុងពេលតែមួយ  ដោយកើតហេតុកាលពីវេលាម៉ោង ១១និង ៣០នាទីថ្ងៃទី២៥ ខែសីហា ឆ្នាំ២០២៦ នៅចំណុចបឹងព្រែកចិន  ស្ថិតក្នុងភូមិទេពអរជូន ឃុំកោះខែល ស្រុកស្អាង ខេត្តកណ្តាល ។

      លោកវរៈសេនីយ៍ឯក រស់ ចន្ថា អធិការនគរបាលស្រុកស្អាង បានប្រាប់ឲ្យដឹងថាជនរងគ្រោះ មានចំនួនពីរនាក់ ជាកូនប្រុសភ្លោះ៖ទី០១ឈ្មោះ លាង សុខគឿន,ទី០២ ឈ្មោះ លាង សុខគន ជាជនជាតិខ្មែរ  ដែលមានអាយុ១៣ឆ្នាំ ជាសិស្សដូចគ្នា និងមានទីលំនៅជាមួយគ្នាក្នុងភូមិឃុំកើតហេតុ ។

     តាមការបំភ្លឺរបស់ឈ្មោះ ហឿងសុខខៃ ភេទស្រី អាយុ ៤០ ឆ្នាំ ត្រូវជាម្ដាយ បានឱ្យ ដឹងថានៅមុនវេលាកើតហេតុ គាត់បាននាំកូនប្រុសទាំង៣ ទៅលេងទឹកនៅដីចំការ ព្រែកចិន ដែលទីនោះមានទឹកជម្រៅត្រឹមចង្កេះ ដែលកូនៗទាំង០៣នាក់ប្រលែងគ្នាធម្មតា ។

លុះនៅវេលាកើតហេតុ  ដោយខ្លួនរវល់មើលកូនប្រុសម្នាក់ទៀត  ស្រាប់តែងាកមករកកូន ប្រុសភ្លោះទាំង០២ ក៏បាត់មិនឃើញ ទោះខំស្រែកហៅក៏មិនលឺឆ្លើយតប  រួចម្តាយក៏បាន ទៅរាវរក ត្រង់កន្លែងដែលកូនលេងទឹកនោះ ក៏បានប៉ះកូនប្រុសម្នាក់ឈ្មោះ លាងសុខគង  ។

ម្តាយ ក៏ស្រង់កូនឡើងលើគោក និង រត់ទៅហៅប្តីនៅឯភូមិ និង អ្នកជិតខាងមកជួយរាវរក កូនប្រុសម្នាក់ទៀតឈ្មោះ លាង សុខគឿន។ ពេលរាវរកឃើញហើយ  ក៏លើកកូនទាំង២ ដាក់លើម៉ូតូ ផាស់ស្អាប់ ដឹកបញ្ជូនទៅមណ្ឌលសុខភាព ហើយ ក្រុមលោកគ្រូពេទ្យ ក៏បានជួយបញ្ជូនទៅមន្ទីរពេទ្យស្រុកកោះធំ។  តែពេលទៅដល់ ក្រុមគ្រូពេទ្យបានប្រាប់ថា កូនភ្លោះទាំងពីរនាក់  បានស្លាប់បាត់ទៅហើយ  ទើបម្តាយសុំឱ្យរថយន្តពេទ្យ ដឹកសពកូន ទាំងពីរមកលំនៅដ្ធានវិញ ។

    ដោយឪពុកម្តាយរបស់កុមាររងគ្រោះ បានទទួលស្គាល់នៅចំពោះមុខសមត្ថកិច្ចថា ÷  គឺកូនប្រុសភ្លោះទាំងពីរនាក់ របស់គាត់ ពិតជាស្លាប់ដោយសារលង់ទឹកពិតប្រាកដមែន  និងក៏បានរៀបចំធ្វើបុណ្យតាមប្រពៃណី ៕