យុវជន ខេមរៈ មន្តស្នេហ៍កូនប្រុសច្បង លោកខេមរៈសិរីមន្ត បង្ហាញសមត្ថភាពច្រៀងយ៉ាងពីរោះ ធ្វើឱ្យអ្នកគាំទ្រកោតសរសើរ

យុវជន ខេមរៈ មន្តស្នេហ៍ កូនប្រុសរបស់តារាចម្រៀងល្បីឈ្មោះ លោក ខេមរៈ សិរីមន្ត បានបង្ហាញសមត្ថភាពច្រៀងយ៉ាងគួរឱ្យចាប់អារម្មណ៍ ដោយបញ្ចេញសំនៀងដ៏ពីរោះ មានទឹកដម និងការប្រើសំឡេងប្រកបដោយទេពកោសល្យ ដែលធ្វើឱ្យអ្នកស្តាប់ជាច្រើនកោតសរសើរ។

តាមរយៈការបង្ហាញសមត្ថភាពនេះ មហាជនជាច្រើនបានលើកឡើងថា ខេមរៈ មន្តស្នេហ៍ មានទឹកដមសំឡេងល្អ និងមានទេពកោសល្យពីកំណើត ដែលហាក់បីដូចជាទទួលបានមរតកសិល្បៈពីឪពុក។ អ្នកគាំទ្រខ្លះថែមទាំងបានបញ្ចេញមតិថា សមត្ថភាពច្រៀងរបស់រូបគេមិនចាញ់លោកពុក ខេមរៈ សិរីមន្ត នោះឡើយ។

ទន្ទឹមនឹងនេះ អ្នកគាំទ្រជាច្រើនក៏បានបង្ហាញក្តីរំពឹងថា នៅពេលអនាគត ខេមរៈ មន្តស្នេហ៍ អាចនឹងបន្តដើរតាមគន្លងសិល្បៈរបស់ឪពុក និងក្លាយជាតារាចម្រៀងដែលមានសមត្ថភាពម្នាក់ទៀតក្នុងវិស័យសិល្បៈកម្ពុជា៕