រថយន្តToyota Prius បើកលឿនមិនប្រយ័ត្នជ្រុលទៅបុកបង្គោលភ្លើង បណ្ដាលឱ្យរងការខូចខាតយ៉ាងដំណំ

ភ្នំពេញ៖ បុរសម្នាក់ បានបើករថយន្តមួយគ្រឿង ម៉ាក TOYOTA PRIUSក្នុងល្បឿន លឿន ខ្វះការប្រុងប្រយ័ត្ន ក៏រ៉េចង្កូតជ្រុលទៅបុកនិងបង្គោលភ្លើងយ៉ាងពេញទំហឹង

បណ្តាលឲ្យរថយន្ត រងការខូចខាតមួយកំណាត់មុខយ៉ាងដំណំ។

ហេតុការណ៍គ្រោះថ្នាក់ខាងលើនេះ បានកើតឡើងកាលពីវេលាម៉ោង១:៣៥នាទី ឈាន ចូលថ្ងៃទី២១ ខែសីហា ឆ្នាំ២០២៦ ស្ថិតនៅតាមបណ្តោយផ្លូវ មុនីរ៉េត ក្នុងសង្កាត់ ស្ទឹង មានជ័យទី២ ខណ្ឌ មានជ័យ រាជធានី ភ្នំពេញ ។

បើតាមការបញ្ជាក់ពីកន្លែងកើតហេត បានអោយដឹងថាមុនពេលកើតហេតុ គេឃើញរថយន្តម៉ាក Toyota Prius មួយគ្រឿងពាក់ផ្លាកលេខភ្នំពេញ 2BT-2084 បើកបរដោយបុរសម្នាក់ ធ្វើដំណើរតាមបណ្តោយផ្លូវ២១៧ ទិសដៅពីលិចទៅកើតក្នុងល្បឿនលឿន។

លុះពេលបើកមកដល់ចំណុចកើតហេតុមិនប្រយ័ត្នក៏រ៉េចង្កូតទៅបុកបង្គោលភ្លើងយ៉ាងពេញទំហឹង បណ្តាលឲ្យរថយន្តខ្ទេចមួយកំណាត់មុខ សំណាងល្អមិនមានអ្នក រងរបួសធ្ងន់ធ្ងរ ចំណែកតៃកុង ក៏បានចេញពីកន្លែងកើតហេតុផងដែរ។

ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែង យករថយន្តទៅរក្សាទុករង់ចាំដោះស្រាយ នៅពេល ក្រោយ ៕ ដោយ​៖សាមេត