ប្រេនសម្លៀកបំពាក់កូនខ្មែរដែលល្បីលំដាប់អន្តរជាតិ អាល់មី ខូធ័រ (ALmée Couture) នឹងបង្ហាញវត្តមានម្ដងទៀតនៅក្នុងព្រឹត្តិការណ៍ម៉ូត នាទីក្រុងញូវយ៉ក
ជាថ្មីម្ដងទៀតប្រេនសម្លៀកបំពាក់កូនខ្មែរដែលល្បីលំដាប់អន្តរជាតិ
ALmée
Couture ដែលកសាងឡើងដោយដៃស្ត្រីវ័យក្មេងដ៏ស្រស់ស្អាត
Taing
Sokhang។ កាលពីឆ្នាំ ២០២៥
កន្លងទៅ Sokhang បាននាំយកសម្លៀកបំពាក់ដ៏ប្រណីតជាច្រើនឈុត
ដើម្បីបង្ហាញឲ្យអន្តរជាតិបានស្គាល់ និងដឹងឈុតដ៏អស្ចារ្យរបស់ខ្មែរ។
ជាក់ស្ដែងនៅឆ្នាំនេះ
ប្រេនខ្មែរ ALmée Couture ក៏នឹងទៅចូលរួមលើឆាកបង្ហាញម៉ូដលំដាប់ពិភពលោកម្ដងទៀតហើយ។
ដោយនៅខែកញ្ញានេះ Almée នឹងត្រលប់ទៅកាន់ទឹកដីអាមេរិកវិញជាមួយនឹង S/S
2027 ការបញ្ចេញមតិថ្មី
ចក្ខុវិស័យថ្មី និងរឿងរ៉ាវដែលត្រៀមរួចជាស្រេច ដើម្បីលាតត្រដាង។
ដោយនៅថ្ងៃ ១២
ខែកញ្ញា ឆ្នាំ ២០២៦ វេលាម៉ោង ៦ ល្ងាចប្រេនខ្មែរ ALmée Couture នឹងបង្ហាញវត្តមានម្ដងទៀត ទីក្រុងញូវយ៉ក។
សម្រាប់ម៉ូដែលខ្មែរដែលគ្រងឈុត ALmée Couture បើតាមការលេចឮគឺបវរកញ្ញា ផនស្រីពី កញ្ញា Sydey
Marith និង Mélia
Constantin ដែលសុទ្ធសឹងជាតារាខ្មែរកូនកាត់
មានសមត្ថភាពខ្លាំង។
ប្រេនកូនខ្មែរមួយនេះ
បានបង្កើតរាត្រីដ៏មានអត្ថន័យ ពោរពេញដោយទឹកចិត្តសប្បុរសធម៌
និងស្មារតីសាមគ្គីភាពក្នុងសហគមន៍ ជាមួយនឹងសភាពាណិជ្ជកម្មអាមេរិកនៅកម្ពុជា (AmCham
Cambodia) និងសណ្ឋាគារ Hyatt
Regency Phnom Penh មានសេចក្តីសោមនស្សរីករាយដែលបានសហការរៀបចំកម្មវិធីរាត្រីបង្ហាញម៉ូដសប្បុរសធម៌ប្រចាំឆ្នាំលើកទី
៦ ក្រោមឈ្មោះថា "Let’s Give Back" ដើម្បីគាំទ្រដល់កិច្ចខិតខំប្រឹងប្រែងរបស់អង្គការ World
Vision Cambodia ក្នុងការជួយដល់គ្រួសារដែលត្រូវផ្លាស់ទីលំនៅ។
ស្ថាបនិកម៉ូត ALmée
Couture និង Férella
Belle ព្រមទាំងតារាបង្ហាញម៉ូដទាំងអស់
ដែលបាននាំមកនូវការបង្ហាញម៉ូដដ៏ប្រណិត
និងបានលះបង់ពេលវេលាព្រមទាំងទេពកោសល្យរបស់ខ្លួនយ៉ាងសប្បុរស
ដើម្បីគាំទ្រដល់បេសកកម្មដ៏ល្អប្រពៃនេះ។ អ្នកច្នៃម៉ូត Férella
Belle បានបើកដំណើរការសាកល្បង
(soft
opening) ដែលត្រូវបានប្រារព្ធឡើងយ៉ាងស្រស់ស្អាតនៅក្នុងរាត្រីដ៏ពិសេសនេះ។
យើងពិតជាមានសេចក្តីរីករាយដែលបានចែករំលែកព្រឹត្តិការណ៍ដ៏សំខាន់នេះ
និងសូមជូនពរឱ្យម៉ាកយីហោនេះទទួលបានជោគជ័យជាបន្តបន្ទាប់ទៀត
ក្នុងដំណើរចាប់ផ្តើមជំពូកថ្មីដ៏គួរឱ្យរំភើបនេះ។
គួរបញ្ជាក់ថា
កាលពីឆ្នាំ ២០២៥ ALmée Couture ទទួលបានការគាំទ្រពីសំណាក់អ្នកគាំទ្រវិស័យ Fashion
ជាច្រើននៅក្រៅប្រទេស
ហើយគ្រានោះក៏ជាលើកដំបូងដែរ ដែលកម្ពុជាចូលរួមឆាក New
York Fashion Week។
ចំណែកកាលវិភាគសប្ដាហ៍ម៉ូដញូវយ៉ក
និទាឃរដូវ/រដូវក្តៅឆ្នាំ ២០២៧ នឹងប្រព្រឹត្តទៅចាប់ពីថ្ងៃ១០ ខែកញ្ញា ដល់ថ្ងៃ
១៥ ខែកញ្ញា ឆ្នាំ ២០២៦ ដោយមានកម្មវិធីបង្ហាញម៉ូដ
និងមានប្រេនចូលរួមបង្ហាញជិត ៧០។
