បុរសម្នាក់ ត្រូវបានគេប្រទះឃើញដេកស្លាប់មុខសំយ៉ាបផ្ទះពលរដ្ឋ ចោលកូនតូច២នាក់

ភ្នំពេញ៖មានការ​ភ្ញាក់ផ្អើលមួយ កើតឡើង​ដោយប្រជាពលរដ្ឋ បានប្រទះឃើញបុរសម្នាក់ ដេកស្លាប់នៅមុខសំយ៉ាបផ្ទះពលរដ្ឋ បន្សល់ទុកនៅកូនតូចចំនួន២នាក់ បង្កឲ្យមានការ ភ្ញាក់ផ្អើលដល់ប្រជាពលរដ្ឋក្បែរខាង រាយកាណ៍ទៅសមត្ថកិច្ចចុះមកពិនិត្យ។

ហេតុការណ៍ភ្ញាក់ផ្អើលខាងលើនេះដែរ បានកើតឡើងកាលពីវេលាម៉ោង១២:៣០នាទីរំលងអាធ្រាតឈានចូលថ្ងៃទី០១ ខែកញ្ញា ឆ្នាំ២០២៦ ចំណុចមុខផ្សារធំថ្មី ក្នុងសង្កាត់ផ្សាថ្មីទី២ ខណ្ឌដូនពេញ រាជធានីភ្នំពេញ។

ប្រភពពីស្រ្តីជាប្រពន្ធ បានឲ្យដឹងថាបុរសរងគ្រោះជាប្តីគាត់ មានជំងឺប្រចាំកាយយូរមកហើយ។ លុះមកដល់វេលាកើតហេតុម៉ោងប្រមាណជា១២និង៣០នាទីឈានចូលថ្ងៃទី០១ ខែកញ្ញា ស្រាប់តែបុរសរងគ្រោះមានអាការៈធ្ងន់ធ្ងរក៏ប្រកាច់ស្លាប់ភ្លាមៗតែម្តង។

ក្រោយមក ក៏មានប្រជាពលរដ្ឋក្បែរខាងមកជួយមើល រួចរាយការណ៍ទៅសមត្ថកិច្ចមូលដ្ឋានអោយចុះមកពិនិត្យទៅលើសព។

បន្ទាប់ពីសមត្ថកិច្ចមូលដ្ឋានចុះមកដល់ រួចរាយការណ៍ទៅមន្ត្រីជំនាញឲ្យចុះមកពិនិត្យទៅលើសពក្រោយពិនិត្យ រួចក៏ធ្វើកំណត់ហេតុប្រគល់អោយទៅក្រុមគ្រួសារយកទៅធ្វើបុណ្យតាមប្រពៃណី៕ ដោយ​៖សាមេត​