រថយន្តកុងតឺន័រមួយគ្រឿងបើកបុកម៉ូតូពីក្រោយ រួចកិនពីលើជនរងគ្រោះ បណ្តាលឲ្យស្លាប់យ៉ាងតន្ធត់

ភ្នំពេញ៖ យុវជនម្នាក់ បានស្លាប់នៅហ្នឹងកន្លែងកើតហេតុយ៉ាងអាណោចអាធ័ម​ ក្រោយពេលជិះម៉ូតូចេញពីលេងផ្ទះបងប្អូនហើយជិះត្រឡប់ទៅផ្ទះខ្លួនវិញ ក៏ត្រូវរថយន្តកុងតឺន័រ បើកបុកពីក្រោយ បណ្ដាលឲ្យដួលរួចកិនចំក្បាល ចំណែក​រថយន្តកុងតឺន័រ បន្តល្បឿនបើករត់គេចខ្លួន តែត្រូវបានសមត្ថកិច្ចឃាត់បានវិញ។

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងកាលពីវេលាម៉ោង ៥:៣០នាទី ល្ងាចថ្ងៃទី២៧ ខែកញ្ញា ឆ្នាំ២០២៦ស្ថិតនៅលើផ្លូវជាតិលេខ ៤ សង្កាត់កំបូល ខណ្ឌ កំបូល រាជធានីភ្នំពេញ។

តាមការបញ្ជាក់ពីកន្លែងកើតហេតុ បានឲ្យដឹងថាមុនពេលកើតហេតុ​ គេឃើញយុវជនរង គ្រោះ ជិះម៉ូតូមួយគ្រឿងពាក់ស្លាកលេខភ្នំពេញ 1MV-2571 ជិះម្នាក់ឯង ធ្វើដំណើរតាម បណ្ដោយផ្លូវជាតិលេខ ៤ ទិសដៅពីកើតទៅលិច ។

លុះពេលជិះមកដល់ចំណុចកើតហេតុខាងលើ ស្រាប់តែគេឃើញមានរថយន្តកុងតឺន័រ មួយគ្រឿងមិនចាំស្លាកលេខធ្វើដំណើរមកពីក្រោយស្របទិសគ្នាពីកើតទៅលិចក្នុងល្បឿនលឿន ក៏ជ្រុលទៅបុកម៉ូតូពីក្រោយបណ្តាលឲ្យដួល រួចកិនចំក្បាលជនរងគ្រោះ បណ្តាលឲ្យបែកខួរស្លាប់ភ្លាមៗ ។ រថយន្ត ក៏បានបន្តល្បឿនបើកគេចខ្លួនតែត្រូវសមត្ថកិច្ចតាមប្រដេញឃាត់បាន ទាំងរថយន្ត និងតៃកុង។

បន្ទាប់ពីកើតហេតុ សមត្ថកិច្ចមូលដ្ឋានសហការជាមួយមន្ត្រីជំនាញចរាចរណ៍ចុះមកវាស់វែងយករថយន្តបង្ក និង ម៉ូតូទៅរក្សាទុកនៅការិយាល័យចរាចរណ៍ជំនាញផ្លូវគោកនៃស្នងការដ្ឋាននគរបាលរាតធីភ្នំពេញជាបន្តអាសន្នរង់ចាំការដោះស្រាយនៅពេលក្រោយ។ចំណែកសមត្ថកិច្ច ក៏បានធ្វើប្រហែលប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី៕ ដោយ​៖សាមេត