ថ្នាក់ដឹកនាំកីឡាប៉ូលីស ចុះជួបក្រុមកីឡាករ ដែលកំពុងប្រមូលផ្តុំហ្វឹកហាត់ នៅទីលានមាត់ទន្លេក្រុងតាខ្មៅ

 នារសៀលថ្ងៃទី១០ ខែកញ្ញា ឆ្នាំ២០២៦ ឯកឧត្តម ឧត្តមសេនីយ៍ទោ ហ៊ាម ជាវហេង អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាប្រធានទទួលដឹកនាំ និងពិនិត្យលើប្រតិភូ-ប្រតិភូរង ដែលទទួលជួយការងារសមាគមកីឡា១១ប្រភេទ បានអញ្ជើញចុះជួបសំណេះសំណាល និងសួរសុខទុក្ខ ប្រតិភូ ប្រតិភូរង គ្រូបង្វឹក-គ្រូជំនួយ និងកីឡាករ-កីឡាការិនី នៃសមាគមកីឡាទូកក្រសួងមហាផ្ទៃ ដែលកំពុងប្រមូលផ្តុំហ្វឹកហាត់ នៅទីលានមាត់ទន្លេក្រុងតាខ្មៅ ខេត្តកណ្តាល។

       នាឱកាសនោះ ឯកឧត្តមអគ្គលេខាធិការរង ប្រធានទទួលដឹកនាំ បាននាំយកអំណោយ សម្ភារកីឡា ទឹកពិសាបរិសុទ្ធ និងថវិកាមួយចំនួន របស់ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ ប្រគល់ជូន ទៅដល់គ្រូបង្វឹក-គ្រូជំនួយ និងកីឡាករ-កីឡាការិនីទូកទាំងអស់ផងដែរ៕