ស្រីនិច វិលចូលវិស័យសិល្បៈវិញ ក្រោយប្រកាសលាឈប់ពីអាជីព

កាលពីពាក់កណ្ដាលឆ្នាំ ២០២១ តារាសម្តែងស្រីរូបស្រស់ កញ្ញា ស៊ឹម ស្រីនិច បានធ្វើឱ្យអ្នកគាំទ្រមានការភ្ញាក់ផ្អើល បន្ទាប់ពីនាងប្រកាសលាឈប់ពីអាជីពសិល្បៈ ដែលបានខិតខំប្រឹងប្រែងសាងកេរ្តិ៍ឈ្មោះអស់រយៈពេលជាច្រើនឆ្នាំ។

យ៉ាងណាមិញ ក្រោយការផ្អាកអាជីពមួយរយៈ ស្រីនិច បានសម្រេចចិត្តវិលត្រឡប់មកប្រឡូកក្នុងវិស័យសិល្បៈវិញនៅឆ្នាំ ២០២៣។ ការវិលត្រឡប់នេះ ត្រូវបានគេចាប់អារម្មណ៍ជាពិសេស បន្ទាប់ពីនាងបានបង្ហាញវត្តមានក្នុងភាពយន្តខ្នាតធំបែបប្រវត្តិសាស្ត្រ «អប្សរាមហាអង្គរ»។

ក្រោយវិលចូលសិល្បៈវិញ ស្រីនិច បានបន្តបង្ហាញពីការខិតខំប្រឹងប្រែង និងសមត្ថភាពក្នុងការសម្តែង ព្រមទាំងភាពស្រស់ស្អាតដែលនៅតែទទួលបានការចាប់អារម្មណ៍ពីសំណាក់អ្នកគាំទ្រ។ ជាបន្តបន្ទាប់ នាងក៏មានឱកាសចូលរួមសម្តែងក្នុងភាពយន្តជាច្រើនរឿង ដែលត្រូវបានផលិត និងចាក់ផ្សាយជាបន្តបន្ទាប់។

ជាក់ស្តែង នៅពេលនេះ ស្រីនិច ក៏កំពុងបង្ហាញស្នាដៃថ្មីមួយទៀត គឺភាពយន្តខ្នាតធំដែលមានចំណងជើងថា «កាច់កប្រពន្ធចុង»។ ភាពយន្តនេះកំពុងទទួលបានការចាប់អារម្មណ៍ពីមហាជន និងអ្នកគាំទ្ររបស់នាង ។

ការវិលត្រឡប់របស់ ស៊ឹម ស្រីនិច មកកាន់វិស័យសិល្បៈវិញ បានបង្ហាញពីការបន្តចំណង់ចំណូលចិត្ត និងការតស៊ូក្នុងអាជីពសម្តែង ខណៈស្នាដៃថ្មីៗរបស់នាងកំពុងបន្តទទួលបានការចាប់អារម្មណ៍ពីសំណាក់ទស្សនិកជន។