អគ្គិភ័យឆាបឆេះរោងចក្រដែលគ្រោងនឹងដំណើរការ បង្កឲ្យមានការភ្ញាក់ផ្អើលទាំងកណ្តាលថ្ងៃត្រង់

កំពង់ស្ពឺ៖ រោងចក្រគ្រោងបើកដំណើរការមួយកន្លែង មិនទាន់មានកម្មករចូលបំពេញការងារនោះទេ ត្រូវបានអគ្គិភ័យឆាបឆេះបង្កឱ្យមានការភ្ញាក់ផ្អើលទាំងកណ្តាលថ្ងៃត្រង់ សង្ស័យឆ្លងចរន្តអគ្គិសនី។

ហេតុការណ៍ឆាបឆេះរោងចក្រនេះ បង្កឱ្យមានការភ្ញាក់ផ្អើលកាលពីវេលាម៉ោង១២និង៥០នាទីថ្ងៃត្រង់ថ្ងៃទី១៤ ខែកញ្ញា ឆ្នាំ២០២៦ នៅក្នុងតំបន់សេដ្ឋកិច្ចពិសេសខេត្តកំពង់ស្ពឺ  ស្ថិតនៅក្នុងភូមិអូតាពូង ឃុំរកាកោះ ស្រុកគងពិសី ខេត្តកំពង់ស្ពឺ ។

សមត្ថកិច្ច បានឱ្យដឹងថា ភ្លាមៗបន្ទាប់ពីមានករណីអគ្គិភ័យឆាបឆេះ កម្លាំងសមត្ថកិច្ចខេត្តកំពង់ស្ពឺ បានធ្វើការអន្តរាគមន៍ យករថយន្ដពន្លត់អគ្គិភ័យរបស់អង្គភាពអធិការដ្ឋាននគរបាលស្រុកគងពិសី និងស្រុកសំរោងទង, រថយន្ដរបស់ស្នងការដ្ឋាននគរបាលខេត្ដកំពង់ស្ពឺ បានចេញទៅជួយអន្ដរាគមន៍លើករណីគ្រោះអគ្គិភ័យនេះ។ ចំពោះមូលហេតុនៃការឆាបឆេះរោងចក្រខាងលើនេះ មកពី​ឆ្លងចរន្ដអគ្គិសនី​ បណ្ដាលឱ្យមានការឆេះខូចខាតសម្ភារៈក្នុងឃ្លាំងទំហំអគារទទឹង៥០ម៉ែត្រ បណ្តោយ១០០ម៉ែត្រ រងការខូចខាតអគារប្រមាណ២០ភាគរយ(20%), -រងការឆេះ រ៉េវ៉ាទើ សម្រាបលើកអីវ៉ាន់ចំនួន១គ្រឿងឆេះទាំងស្រុង និងក្រដាសខាត់របស់ជាងឆេះទាំងស្រុង។

   -ចំពោះករណីអគ្គិភ័យនេះ មិនមានការឆេះរាលដាល និងមិនមានគ្រោះថ្នាក់ដល់អាយុជីវិតមនុស្សនោះទេ។ រីឯទំហំទឹកប្រាក់ខូចខាតមិនទាន់អាចសន្និដ្ឋានបាននោះទេ៕ប៊ុនធឿន