កីឡាកងទ័ពបើកិច្ចប្រជុំពិនិត្យការងារត្រៀមប្រកួតកីឡាជាតិ និងចេញទៅប្រកួតកីឡាកងទ័ពពិភពលោកនៅ USA

ភ្នំពេញ ៖ ឯកឧត្ដម ឧត្ដមសេនីយ៍ទោ ខូវ ឆាយ អគ្គលេខាធិការក្រុមប្រឹក្សាកីឡាកងយោធពលខេមរភូមិន្ទនិងជានាយកមជ្ឈមណ្ឌលកីឡាកងយោធពលខេមរភូមិន្ទ បានអញ្ជើញដឹកនាំប្រជុំពិភាក្សារៀបចំផែនការចូលរួមការប្រកួតកីឡាកងទ័ពពិភពលោករដូវក្តៅលើកទី៨ ឆ្នាំ២០២៧ នៅសហរដ្ឋអាមេរិក និងត្រៀមលក្ខណៈចូលរួមការប្រកួតកីឡាជាតិលើកទី៥ ឆ្នាំ២០២៦ និងកីឡាជាតិជនពិការលើកទី៣ឆ្នាំ២០២៦ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ នាយករង នាយ នាយរងការិយាល័យ នាយផ្នែក និងនាយប្រភេទកីឡារបស់មជ្ឈមណ្ឌលកីឡាកងយោធពលខេមរភូមិន្ទ នៅសាលប្រជុំ មជ្ឈមណ្ឌលកីឡាកងយោធពលខេមរភូមិន្ទ ( ស្តាត ចាស់ )កាលពីរសៀលថ្ងៃទី១៥ ខែកញ្ញា ឆ្នាំ២០២៦។