សេតវិមានសហរដ្ឋអាមេរិកបានបញ្ជាក់ថា ប្រទេសម៉ាឡេស៊ី ថៃ និងកម្ពុជា ប្រឈមនឹងអត្រាពន្ធ 19 ភាគរយលើការនាំចេញទំនិញរបស់ខ្លួនមកកាន់សហរដ្ឋអាមេរិក។ កន្លងមក ទីក្រុងវ៉ាស៊ីនតោន បានគំរាមដាក់ពន្ធ 25% លើប្រទេសម៉ាឡេស៊ី 36% លើប្រទេសថៃ និងកម្ពុជា ដែលនឹងចូលជាធរមាននៅថ្ងៃទី 1 ខែសីហានេះ ប្រសិនបើមិនមានកិច្ចចរចារណាមួយត្រូវបានធ្វើឡើងនោះទេ។ ទន្ទឹមនឹងនេះ លោកប្រធានាធិបតីសហរដ្ឋអាមេរិក ដូណាល់ ត្រាំ ក៏បានចុះហត្ថលេខាលើបទបញ្ជាប្រតិបត្តិ ដែលកំណត់ពន្ធចាប់ពី 10% ដល់ 41% លើការនាំចូលទំនិញពីប្រទេសរាប់សិបផ្សេងទៀត។
