.png)
រាជធានីភ្នំពេញ ៖
រថយន្តតូយ៉ូតាព្រុសមួយគ្រឿង ខណៈអ្នកបើកបរស្រវឹង បានជ្រុលទៅបុកនិង ក្បាលថ្មពុះចែកទ្រូងផ្លូវ បណ្ដាលឲ្យរងការខូចខាតរថយន្តធ្ងន់ធ្ងរ ។ ហេតុការណ៍នេះដែរ បានកើតឡើងនៅវេលាម៉ោង១០និង២០នាទីយប់ ថ្ងៃទី២០ ខែវិច្ឆិកា ឆ្នាំ២០២៤ ចំនុចស្តុបស្ថានទូតវៀតណាម ផ្លូវព្រះមុនីវង្សកែងផ្លូវ៤៣២ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកើតហេតុ បានឲ្យដឹងថាមុនពេលកើតហេតុ គេបានឃើញ បុរសម្នាក់រួមដំណើរជាមួយនិងនារីម្នាក់ បានបើករថយន្តម៉ាកតូយូតាព្រូស ស៊េរីឆ្នាំ២០១០ ពណ៌ខ្មៅ ពាក់ស្លាកលេខ ភ្នំពេញ 2BW-3547 ធ្វើដំណើរតាមបណ្ដោយផ្លូវព្រះមុនីវង្ស ទិសដៅពីត្បូងទៅជើង ដោយអ្នកបើកបរ ស្ថិតក្នុងស្ថានភាពស្រវឹង ។
លុះមកដល់ចំនុចកើតហេតុ ក៏ជ្រុលទៅបុកនិងក្បាលនាគថ្មពុះចែកទ្រូងផ្លូវយ៉ាងពេញទំហឹង បណ្តាលឲ្យរថយន្តខ្ទាតថយក្រោយវិញ រងការខូចខាត ខ្ទេចស្រុញផ្នែកខាងមុខ តែមិនគ្រោះថ្នាក់មនុស្សដែលជិះក្នុងរថយន្តនោះទេ គ្រាន់តែអ្នកបើកបរ ចុះពីលើរថយន្ដក្នុងស្ថានស្រវឹង ត្រូវសមត្ថកិច្ចហៅទៅផ្លុំជាតិអាកុល តែប៉ុណ្ណោះ ។
ក្រោយពេលកើតហេតុ រថយន្ដ ត្រូវសមត្ថកិច្ចជំនាញ ស្ទូចយកទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដំណោះស្រាយ ៕
