.png)
ខេត្តបាត់ដំបង ៖
ប្តីប្រពន្ធពីរនាក់ បានរងរបួសធ្ងន់ស្រាល ក្រោយជួបឧបទ្ទវហេតុគ្រោះថ្នាក់ចរាចរណ៍នៅវេលាម៉ោង១១និង០០នាទី ថ្ងៃទី០៤ ខែធ្នូ ឆ្នាំ២០២៤ នៅតាមបណ្តោយផ្លូវជាតិលេខ៥ (ហៃវេ)ស្ថិតក្នុងភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង ។
ប្រភពនៅកន្លែងកើតហេតុ បានប្រាប់ថា ករណីគ្រោះថ្នាក់ចរាចរណ៍ខាងលើនេះដែរ បានកើតឡើងរវាងម៉ូតូសណ្តោងរ៉ឺម៉កដឹកពងទារមួយគ្រឿង បើកបរដោយបុរសម្នាក់ និងអ្នករួមដំណើរជាប្រពន្ធម្នាក់ ទិសដៅពីជើងទៅត្បូង។ លុះមកដល់ចំណុចកើតហេតុ ក៏មានរថយន្តដឹកទំនិញធុនធំ ពណ៌ស មួយគ្រឿង ពាក់ផ្លាកលេខ កណ្តាល 3A-1690 បើកបរដោយបុរសម្នាក់ទិសដៅស្របគ្នាបានជ្រុលចង្កូតទៅបុកពីក្រោយពេញទំហឹង បណ្តាលឲ្យទាំងម៉ូតូនិងរ៉ឺម៉កហោះឆ្លងប្រឡាយ បណ្តាលឲ្យប្តីប្រពន្ធពីរនាក់រងរបួសធ្ងន់ស្រាល តែម្តង ។
ក្រោយពេលកើតហេតុ សមត្ថកិច្ចជំនាញ បានចុះទៅដឹកជនរងគ្រោះទៅសង្រ្គោះព្យាបាលនៅមន្ទីរពេទ្យ បន្ទាប់មក បានវាស់វែងធ្វើកំណត់ហេតុយកមធ្យោបាយទាំងពីរទៅរក្សាទុកដើម្បីចាត់ការតាមនីតិវិធីច្បាប់ ៕
