គ្រោះថ្នាក់ចរាចរណ៍ ០១ករណី បណ្ដាលឲ្យមនុស្សស្លាប់ ០១នាក់ និងខូចខាត ម៉ូតូ ០១គ្រឿង, រថយន្ត ០១គ្រឿង

ក្រុង/ខេត្តប៉ៃលិន ៖ 

នៅវេលាម៉ោង១៣និង៥០នាទី ថ្ងៃទី០៣-១២-២០២៤ មានករណីគ្រោះថ្នាក់ចរាចរណ៍ រវាងរថយន្តនិងម៉ូតូ ០១លើក បើកបរស្របទិសគ្នាពីកើតទៅលិច នៅលើផ្លូវជាតិលេខ៥៧ ចន្លោះបង្គោលគីឡូម៉ែត្រលេខ៨០-៨១ ស្ថិតក្នុងភូមិដីក្រហម សង្កាត់អូរតាវ៉ៅ ក្រុង/ខេត្តប៉ៃលិន បណ្ដាលឲ្យមនុស្សស្លាប់ ០១នាក់ និងខូចខាត ម៉ូតូ ០១គ្រឿង, រថយន្ត ០១គ្រឿង ។

ភាគីរថយន្ត មានឈ្មោះ ប៉ាក ប៊ុននឿន អាយុ ៥៧ឆ្នាំ មានមុខរបរ យោធា រស់នៅភូមិ  បរតាំងស៊ូ សង្កាត់បយ៉ាខា ក្រុង/ខេត្តប៉ៃលិន បើកបររថយន្តម៉ាក ISUZU(អ៊ីសុយហ្សុយ) ពណ៌ទឹកប្រាក់ ពាក់ផ្លាកលេខ ខេមរៈភូមិន្ទ07 2-1321 ។

ភាគីម៉ូតូ មានឈ្មោះ ជ្រូក ផន ភេទប្រុស អាយុប្រហែល ៦៥ ឆ្នាំ មុខរបរកសិករ រស់នៅភូមិបរឌិននៀវ សង្កាត់/ក្រុង/ខេត្តប៉ៃលិន (ស្លាប់នៅហ្នឹងកន្លែងកើតហេតុ) បើកបរម៉ូតូម៉ាក Honda Dream ពណ៌ខ្មៅ ផ្លាកលេខ បាត់ដំបង 1D-7375 ។

ចំពោះវត្ថុតាង ត្រូវបានយកមករក្សាទុកនៅការិ.នគរបាលចរាចរណ៍ផ្លូវគោក ដើម្បីរង់ចាំការដោះស្រាយតាមនីតិវិធី ៕