យោធារបស់ប្រទេសចិន បានចេញផ្សាយវីដេអូជាបន្តបន្ទាប់ ជុំវិញការចាប់ផ្តើមធ្វើសមយុទ្ធយោធាកងទ័ពជើងទឹក និងកងកម្លាំងគ្រាប់រ៉ុក្កែតនៅជុំវិញកោះតៃវ៉ាន់ ដើម្បីជាការព្រមាន និងរារាំងប្រឆាំងនឹងឯករាជ្យភាពរបស់កោះតៃវ៉ាន់។ គួរបញ្ជាក់ផងដែរថា សមយុទ្ធជុំវិញកោះតៃវ៉ាន់ ដែលប្រទេសចិនចាត់ទុកជាទឹកដីរបស់ខ្លួន និងមិនបោះបង់ចោលការប្រើប្រាស់កម្លាំង ដើម្បីទាញយកកោះនេះមកគ្រប់គ្រងវិញនោះ ធ្វើឡើងបន្ទាប់ពីមេដឹកនាំរបស់កោះតៃវ៉ាន់ គឺលោក លៃ ឆីងតេ បានហៅទីក្រុងប៉េកាំង ថាជា "កងកម្លាំងសត្រូវបរទេស" កាលពីខែមុន។
