បាត់ដំបង ៖ 

យុវជនម្នាក់ត្រូវបានសមត្ថកិច្ចឃាត់ខ្លួនភ្លាមៗខណៈដែលកំពុងធ្វើសកម្មភាពលួចអូសយកម៉ូតូចេញពីសាលាខេត្តបាត់ដំបង។

ហេតុការណ៍គួរអោយភ្ញាក់ផ្អើលខាងលើនេះបានកើតឡើងនៅវេលាម៉ោង ១០ និង៣០នាទី ថ្ងៃទី០៣ ខែមេសា ឆ្នាំ២០២៥ ខណៈយុវជនរូបនោះកំពុងធ្វើសកម្មភាពបណ្តើរ យកម៉ូតូម៉ាក Nex ពណ៌ស ០១គ្រឿង ដែលមានផ្លាកលេខ បាត់ដំបង 1AV-5770 ចេញពីក្នុងបរិវេណសាលាខេត្ត ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង។

ក្រោយពីឃាត់ខ្លួន យុវជនដែលជាជនសង្ស័យខាងលើត្រូវបានសមត្ថកិច្ចនាំយកទៅការិយាល័យជំនាញធ្វើការសាកសួរ ដើម្បីកសាងសំណុំរឿងចាត់ការបន្តតាមនីតិវិធី  ច្បាប់៕