ខេត្តបាត់ដំបង៖
យ៉ាងហោចណាស់បុរសម្នាក់បានស្លាប់ភ្លាមៗ និងម្នាក់ទៀតរងរបួសធ្ងន់ ក្រោយជិះម៉ូតូឡើងវ៉ាជែងខ្វះការប្រុងប្រយ័ត្នជ្រុលទៅបុករថយន្តដឹកដីពីក្រោយពេញទំហឹងនៅវេលាម៉ោង ២២និង៤០នាទី ថ្ងៃទី០១ ខែមេសា ឆ្នាំ ២០២៥ នៅតាមបណ្តោយផ្លូវជាតិលេខ៥ ស្ថិតក្នុងភូមិសាលាត្រាវ ឃុំកំពង់ព្រៀង ស្រុកសង្កែ ខេត្តបាត់ដំបង។
ប្រភពនៅកន្លែងកើតហេតុបានប្រាប់ថា នៅមុនពេលកើតហេតុគេឃើញរថយន្តកូរ៉េដឹកដីមួយគ្រឿង ពាក់ផ្លាកលេខ ចង្កូតស្តាំ PP-0135 បើកបរដោយបុរសម្នាក់ទិសដៅពីជើងទៅត្បូង ចំណែកម៉ូតូម៉ាក CLICK ពណ៌ស គ្មានផ្លាកលេខ បើកបរដោយបុរសម្នាក់ និងអ្នករួមដំណើរម្នាក់ ក្នុងល្បឿនយ៉ាងលឿនទិសដៅស្របគ្នា លុះដល់កន្លែងកើតហេតុបានឡើងវ៉ាជែងមិនផុតក៏ជ្រុលចង្កូតទៅបុកពីក្រោយរថយន្តពេញទំហឹង បណ្តាល អោយស្លាប់ម្នាក់ និងរបួសធ្ងន់ម្នាក់តែម្តង។
ក្រោយពេលកើតហេតុសមត្ថកិច្ចបានចុះទៅដឹកបញ្ជូនជនរងគ្រោះទៅសង្រ្គោះនៅមន្ទីរពេទ្យ បន្ទាប់មកបានវាស់វែងធ្វើកំណត់ហេតុប្រគល់សពអោយសាច់ញាតិយកធ្វើបុណ្យតាមប្រពៃណី ចំណែក មធ្យោបាយទាំងពីរយកទៅរក្សាទុកនៅការិយាល័យចរាចរណ៍ដើម្បីរងចាំដោះស្រាយតាមផ្លូវច្បាប់។
