ក្រុមស្វែងរក និងជួយសង្គ្រោះ បានសង្រ្គោះអ្នកនៅរស់រានមានជីវិតចំនួន 4 នាក់ ថែមទៀត ដែលជាស្ត្រីពេញវ័យ 3 នាក់ និងក្មេងស្រីម្នាក់ ចេញពីគំនរបាក់បែកនៃអគារ បន្ទាប់ពីប្រតិបត្តិការសង្រ្គោះយ៉ាងលំបាកអស់រយៈពេល 13 ម៉ោងក្នុងទីក្រុង ម៉ាន់ដាឡៃ របស់ប្រទេសមីយ៉ាន់ម៉ា ដែលរងការវាយប្រហារដោយគ្រោះរញ្ជួយដីយ៉ាងធ្ងន់ធ្ងរ។ គួរបញ្ជាក់ផងដែរថា គិតរហូតមកដល់ពេលនេះ ចំនួនអ្នកស្លាប់ដោយគ្រោះរញ្ជួយដីកម្រិត 7.7 រ៉ិចទ័រ ដែលបានវាយប្រហារប្រទេសមីយ៉ាន់ម៉ា កាលពីថ្ងៃសុក្រសប្តាហ៍មុន បានកើនឡើងដល់ 2056 នាក់ និងប្រមាណ 3900 នាក់រងរបួស ហើយជិត 270 នាក់ទៀត បន្តបាត់ខ្លួន។
